Enduro Sumarfagnaður - Stóra Hjólreiðahelgin

Upplýsingar

Við hjólum saman stóra "All Mountain-leið" og endum í lokahófi. Keppt er á stuttum sérleiðum sem eru mest niður.

Keppnislengd

Brautin er 20km í það heila en aðeins er keppt á stuttum sérleiðum sem eru niður í móti að lang mestu leiti. Ferla og dagskrá er að finna hér Þessi viðburður er í samstarfi við Stóru hjólreiðahelgina á vegum Hjólafélags Akureyrar. Sjá einnig heimasíðu www.enduroiceland.com og www.hjolak.is/

Hjól

Hjólið verður að vera fjallahjól. Mótsstjórn mun skoða hjól þáttakenda og hefur rétt á að hafna hjólum sem ekki teljast uppfylla það öryggi sem krafist er.

Búnaður

Hlífðarbúnaður * Það er alger hjálmaskilda öllum stundum á meðan hjólað er * Mælt er með "fullface" hjálmum fyrir tímatökusvæði * Sterklega er mælt með hönskum og hnéhlífum * Frekari hlífðarbúnaður er af hinu góða

Æfingar og brautarskoðanir

Að þessu sinni verður ekki hægt að vera með brautarskoðun en leiðin hefur verið birt með upplýsingum um upphaf og enda sérleiða. Á föstudeginum 17.júlí mun HFA rútan skutla hjóli og hjólara á tveggja tíma fresti uppí Hlíðarfjall og/eða Fálkafell frá klukkan 15:00 á föstudag. Fólki er einnig frjálst að fara á eign vegum.

Reglur

Keppnisfyrirkomulagið er Enduro eins og það er skilgreint af samtökum um Enduro fjallahjólakeppnir © Enduro Mountain Bike Assoc™. Ekki er unnt að fylgja opinberu reglunum í öllum atriðum en við munum reyna að heiðra þær í aðalatriðum. Reglur er að finna Á heimasíðu Enduro Ísland http://www.enduroiceland.com/reglur.html

Skilmálar

* Þáttakendur verða að kynna sér reglur keppninnar. http://www.enduroiceland.com/reglur.html * Þátttakendur þurfa að hafa kynnt sér keppnisleiðina og aðstæður. http://www.enduroiceland.com/braut--dagskraacute.html * Það er á ábyrgð þátttakenda að rata og fylgja keppnisleiðinn. * Þátttakendur þurfa að vera með þann hlífðar- og skyldubúnað sem krafist er í reglum. * Þátttakendur gera sér grein fyrir hættum á líkams- og eignatjóni sem fylgir viðburði sem þessum og eru á eigin ábyrgð á viðburðinum og í keppninni sjálfri. * Fjöldatakmörkun gildir. Fyrstur kemur fyrstur fær. Þáttökugjöld fást ekki endurgreidd en sætin eru framseljanleg.