Jökulmílan

Upplýsingar

Keppni blásin af vegna hættulegra sviftivinda á sunnanverður Snæfellsnesi.

Keppnislengd

Rangsælis hringur um Snæfellsnes sem hefst í Grundarfirði. Hjólað er vestur fyrir Jökul, til baka um Vegamót og Vatnaleið. Drykkjarstöðvar verða þrjár: í Kothrauni (eftir 54 km), við Búðir (eftir 86 km) og á Vegamótum (eftir 125 km). Hópræsing kl. 10:00 fyrir keppnisflokk á götuhjólum og náttúruunnendur á tandem-, fjalla- og götuhjólum

Búnaður

Hjálmaskylda er í Jökulmílunni. Reiðhjólið skal vera búið góðum bremsum framan og aftan og öll öryggisatriði í lagi. Stýrisendar verða að vera lokaðir.

Æfingar og brautarskoðanir

Það er mikilvægt að manni líði vel í löngum hjólreiðatúrum. Við mælum því með að undirbúningur fyrir þátttöku í Jökulmílunni sé vel skipulagður. Hafir þú ekki þegar æfingaáætlun eða þjálfara, þá getur þú prófað að leita að "century ride training plan" eða einhverju álíka á veraldarvefnum og séð hvað þú finnur.
Margir hjólreiðaklúbbar innan vébanda Hjólreiðanefndarinnar bjóða einnig uppá skipulagða þjálfunaráætlun. Sértu ekki í klúbbi, þá hvetjum við þig að kíkja við á vefsvæðum þeirra (sjá hlekki hér neðst á síðu) og setjir þig í samband hafir þú áhuga á slíkri leiðsögn.

Reglur

Reglur á www.jokulmilan.is

Skilmálar

Þátttaka í Jökulmílunni er alfarið á ábyrgð þátttakandans sjálfs. Með því að skrá sig í Jökulmíluna afsalar hann sér öllum kröfurétti á hendur Hjólamanna sem mótshaldara. Þátttakandi hefur kynnt sér reglur Jökulmílunnar.