HFR Cross Cup - 2

Þetta mót er 2. bikar í bikarmótaröð HFR í cyclocross. Rétt til þátttöku á bikarmótum hafa fullgildir meðlimir í viðurkenndu hjólreiðafélagi eða hjólreiðadeildar innan vébanda ÍSÍ (skráð í umsjónarkerfi ÍSÍ).

Skráningu lýkur fimmtudaginn 14. október kl. 23:59. Ekki verður hægt að skrá sig til keppni eftir þann tíma.

Afhending gagna fyrir keppni fer fram við rásmark.

Gróf drög að braut má sjá á mynd: HFR áskilur sér allan rétt til breytinga - keppendur geta kynnt sér lokaútfærslu á brautinni fyrir keppni.

Reglur

Keppendur eru vinsamlega beðnir um að kynna sér keppnisreglur HRÍ og þá sérstaklega kaflann sem snýr að keppni í cyclocross (kafli 6). Sérstaklega skal hafa í huga að í bikarmóti Junior flokka og eldri gilda reglur UCI um búnað, svo sem dekkjabreidd. Mótshaldari tekur þó fram að hringunarreglu verður ekki framfylgt í þessari mótaröð, þegar fyrsti keppandi í viðkomandi ráshópi hefur lokið tilskyldum hringafjölda eru aðrir keppendur stöðvaðir í endamarki. 

Athugið að aldursflokkar í þessari mótaröð miðast við aldur keppenda á árinu 2022. 

Ræsing

Rástímar verða auglýstir degi fyrir keppni. Lagt er upp með eftirfarandi tímalengdir til hliðsjónar í keppnunum, en ráshópar og tímalengdir í hverri keppni verður tilkynntur á keppnisdag:

Elite/masters (kk) - 50-60 mín

Elite/masters (kvk) - 40-50 mín

Junior kk/kvk - 40 mín

U17 og yngri - 30 mín

Keppnisbraut

Keppnisbrautin verður í Gufunesi. Keppendur eru beðnir um að virða þau tilmæli staðarhaldara að halda ekki æfingar, og hjóla ekki hratt, á leiksvæðum barna á svæðinu. Auðvelt er að æfa tækniatriði á öðrum svæðum.

Búnaður

Elite, U23, og Master - Að hámarki 40 mm ónegld dekk - Öll hjól með hrútastýri leyfð; t.d. Lauf True Grit (dempari í gaffli), Specialized Diverge (dempari í stýri), Canyon Grail (tveggja hæða stýri), o.sv.frv.

Junior og yngri, og B flokkur - Öll hjól leyfð - Öll ónegld dekk leyfð - Bannað að hafa opna stýrisenda eða horn á stýri