HFR Cross Cup #1

Þetta mót er 1. bikar í bikarmótaröð HFR í cyclocross. Rétt til þátttöku á bikarmótum hafa fullgildir meðlimir í viðurkenndu hjólreiðafélagi eða hjólreiðadeildar innan vébanda ÍSÍ (skráð í umsjónarkerfi ÍSÍ).

Skráningu lýkur fimmtudaginn 15. september kl. 23:59. Ekki verður hægt að skrá sig til keppni eftir þann tíma.

Afhending gagna fyrir keppni fer fram við rásmark.

Gróf drög að braut má sjá á mynd: HFR áskilur sér allan rétt til breytinga - keppendur geta kynnt sér lokaútfærslu á brautinni fyrir keppni.

Allur ávinningur af mótahaldi og veitingasölu á mótinu rennur í Barna og Unglingastarf HFR.

Reglur

Keppendur eru vinsamlega beðnir um að kynna sér keppnisreglur HRÍ (https://hri.is/assets/uploads/ckfinder/files/Keppnisreglur HRÍ 2022.pdf) og þá sérstaklega kaflann sem snýr að keppni í cyclocross (kafli 6). Mótshaldari tekur fram að hringunarreglu verður ekki framfylgt í þessari mótaröð, þegar fyrsti keppandi í viðkomandi ráshópi hefur lokið tilskyldum hringafjölda eru aðrir keppendur stöðvaðir í endamarki. UCI reglur um dekkjabreidd gilda ekki í þessu móti, sjá kaflann um búnað að neðan.

Athugið að aldursflokkar í þessari mótaröð miðast við aldur keppenda á árinu 2023. 

Ræsing

Rástímar verða auglýstir degi fyrir keppni. Lagt er upp með eftirfarandi tímalengdir til hliðsjónar í keppnunum, en ráshópar og tímalengdir í hverri keppni verður tilkynntur á keppnisdag (og ræðst af fjöld skráninga):

A og B flokkur (kk) - 50-60 mín

A og B flokkur (kvk) - 40-50 mín

C, Junior kk/kvk - 40 mín

U17 og yngri - 30 mín

Keppnisbraut

Keppnisbrautin verður í Gufunesi og eru drög að henni sýnd á mynd. HFR áskilur sér rétt til breytinga, en brautin verður merkt kvöldið fyrir keppnisdag. Um er að ræða um 1.5km braut, með blönduð yfirborði, svo sem gras, sand, möl, malbik og mold. Keppendur eru beðnir um að virða þau tilmæli staðarhaldara að halda takmarka æfingar, og hjóla ekki hratt, á leiksvæðum barna á þessu svæði utan keppnistíma. Auðvelt er að æfa tækniatriði á öðrum svæðum á höfuðborgarsvæðinu.

Búnaður

A, B, U23 - Öll hjól með hrútastýri leyfð, og allar dekkjabreiddir heimilar. Óheimilt er að hafa bretti, standara eða annan óþarfa búnað á hjólinu sem kann að valda keppendum skaða.

Junior og yngri, C flokkur - Öll hjól leyfð, en þó er óheimilt að hafa opna stýrisenda eða horn á stýri, bretti, standara eða annan búnað á hjólinu sem kann að valda keppendum skaða.

CX - fyrsti bikar, Gufunesi