Ungdúró BFH

Enduro keppni fyrir alla krakka og unglinga fædd 2014 - 2005 sunnudaginn 14.maí 2023 kl 11

Forráðamenn þurfa að hjóla með krökkunum sem eru fædd 2014 og 2013 (U11 flokkurinn).

Brautarskoðun og brautin auglýst á ungdúró síðunni á facebook:

https://www.facebook.com/Ungdúró-108456557576719

Enduro er keppnisform í fjallahjólreiðum þar sem allir hjóla saman langa leið og aðeins er keppt á merktum sérleiðum sem eru aðallega niður á móti. Keppandi stimplar sig inn í byrjun á þess konar sérleið og svo út í lok hennar. Við áætlum að vera með uþb fjórar stuttar sérleiðir og er það samanlagður tími keppenda úr þeim sem gildir.

Allir sem keppa verða að hafa fjallahjólað áður og vera örugg á hjólinu.

Hjólin verða að vera fjallahjól í góðu lagi og þá sér í lagi bremsur og dekk.

Allir þurfa að vera með bakpoka með aukaslöngu, vatni og nesti. Áætlað er keppnin taki uþb 2 tíma.

Skylda er að vera með góðan hjálm og hanska. Allur annar hlífðarbúnaður er af hinu góða og við mætlum sérstaklega með bakbrynju. Í sérkeppninni á síðustu sérleið (stórhöfði - val) verður skylda um fullface og bakbrynju.

Öllum verður raðað í hópa sem hjóla saman alla leiðina og mun fullorðinn hjóla með hverjum hóp.

Okkur mun því vanta marga sjálfboðaliða til að gera þetta eins vel og við viljum og óskum því hér með eftir þeim! Bæði vantar okkur meðhjólara og brautarverði. Megið bæta ykkur í hópinn okkar hér á facebook þar sem við auglýsum eftir sjálfboðaliðum í ákveðin verkefni: https://www.facebook.com/groups/182993809299522/

Hvetjum foreldra, fjallahjólara og alla aðra sem hafa áhuga á þessu að hjálpa okkur að byggja upp sportið hérna á Íslandi.

Allir keppendur fá tímatökukubb sem þeir verða að passa upp á alla leiðina og skila svo tilbaka við komuna upp á lokastað.

Keppt verður í nokkrum aldursflokkum:

Junior 17-18 ára, 2006-2005
U17 15-16 ára, 2007-2008
U15 13-14 ára, 2009-2010
U13 11-12 ára, 2011-2012

U11 9 - 10 ára, 2013-2014. Sá flokkur þarf að vera með forráðamann eða annan fullorðinn að hjóla með sér í gegnum keppnina. 

Verðlaun verða veitt í hverjum kyn og aldursflokki fyrir sig.

Stórhöfða sérleiðin verður sérstök og ekki hluti af heildarkeppninni. Hún er sérstök keppni fyrir Junior og U17 flokkana. Þeir sem vilja taka þátt í henni verða að vera með allan hlífðarbúnað, þeas bakbrynju, fullface og hnéhlífar. Sérverðlaun verða veitt fyrir hraðasta tímann á aukasérleiðinni á Stórhöfða.