Vortímataka Breiðabliks

Upplýsingar

Hefðbundinn 20 km braut á Krísuvíkurmalbikinu. Rásmark er við afleggjara upp í Bláfjöll. Greitt með millifærslu.

Keppnislengd

20km í karla- og kvennaflokki.

Hjól

Tímatökuhjól og þríþrautarhjól

Búnaður

Hjálmaskylda er í öllum keppnum á keppnisdagskrá HRÍ. Plötugjarðir og aero-hjálmar eru leyfðir í þessari keppni.

Reglur

Afhending númera fyrir keppni fer fram í Ásvallalaug 17:30 – 18:15. Keppendur skulu ræstir út með a.m.k. mínútu millibili. Rásröð skal miðast við úrslit síðustu sambærilegu tímatökukeppni. Keppnishaldara er frjálst að raða keppendum sem ekki hafa tíma úr tímakeppni. Ráslisti verður birtur kl. 10 að morgni keppnisdags. Keppendur hjóla einir í tímatökukeppni og án utanaðkomandi aðstoðar. Keppendum er óheimilt að hjóla með öðrum hjólreiðamönnum eða nýta sér skjól eða kjölsog af öðrum hjólreiðamönnum eða ökutækjum sem kunna að vera í keppnisbraut. Ef keppandi nær öðrum keppanda sem ræstur var á undan þarf hraðari keppandinn að taka fram úr þeim hægari með því að vera a.m.k. 1,5 metra til hliðar við hann og án þess að nýta sér skjól af honum. Það er skylda hægari keppandans að vera kominn a.m.k. 25 metra fyrir aftan þann hraðari innan næstu 1000 metra án þess að hafa reynt framúrtöku.

Skilmálar

Hjálmaskylda er í öllum keppnum á keppnisdagskrá HRÍ. Keppendur skulu klæðast hjólreiðafatnaði og ekki klæddir á ósæmilegan hátt. Keppendur sýna ávalt ítrustu varúð í samræmi við aðstæður. Keppendur eru á eigin ábyrgð í keppninni og bera einir ábyrgð á slysi sem þeir kunn að valda. Keppendum ber að virða keppnisreglur og þær reglur sem keppnishaldari hefur gefið út þegar keppni er auglýst. Keppendur skulu sýna af sér íþróttamannslega hegðum sem er hjólreiðaíþróttinni til framdráttar. Keppendur skulu ávalt koma heiðarlega og drengilega fram við aðra þátttakendur jafnt í keppni og utan keppni. Hótanir og niðrandi ummæli um aðra þátttakendur eru hvorki leyfð í keppni né utan keppni. Keppnishaldari getur getur vikið keppanda úr keppni brjóti hann einhverja af ofantöldum greinum.

Reikningsupplýsingar fyrir millifærslu:

Reikningsnúmer: 546-26-4302

Kennitala: 430215 1240

Senda kvittun á hjol@breidablik.is