Íslandsmeistaramót í fjallabruni - Hjólreiðahelgi Greifans

Vandræði með skráningar berist á arni@eitthvad.com

Íslandsmeistaramótið í Fjallabruni.

Brautin:
https://www.trailforks.com/trails/hli-arfjall-downhill-2018/

Brautin er byggð á gamalli braut í Hlíðarfjalli en þó með nýjum köflum. Byrjað er ofan á palli í strýtuskála. Brautin notar að hluta til sömu leið og ný braut í hlíðarfjalli sem ber nafnið Andrés, og neðsti hluti hennar sameinast keppnisbraut sem notuð hefur verið undanfarin ár.

Á trailforks er hægt að sjá aðrar brautir í fjallinu til að sjá hvar kaflar eru samnýttir.

Brautin er ennþá í vinnslu svo aðgát skal höfð, tæki, verkfæri og fólk að störfum gæti verið í brautinni dagana fyrir keppni.
Mælt er með því að keppendur skoði brautina að morgni fyrir keppni til að sjá endanlega útkomu brautarinnar

Í brautinni eru ýmis feature sem geta verið hættuleg ef ekki er rétt að þeim farið, Road-gap, tabletoppar, gap jump og fleira. Keppendur skulu skoða alla brautina vel og meta getu sína til að takast á við hindranir.

Ekki er búið að ákveða formlega brautarskoðun, en lyftan í Hlíðarfjalli er opin 10-17 föstudag-sunnudag.

Keppandi skal vera með hjálm sem ver allt andlit (fullface) sem er óskemmdur og ekki meira en 3ja ára gamall. Keppandi skal vera með hnéhlífar og bakbrynju. Auk þess er mælt með því að vera í hönskum og allur auka hlífðarbúnaður er æskilegur.

Mótsnefnd áskilur sér rétt til að meina keppendum þátttöku ef öryggisbúnaður þykir ekki öruggur.

Keppnisflokkar

Keppt verður í eftirfarandi flokkum:

• UCI Elite - Karla og Kvenna - 23 ára og eldri (á árinu)

• UCI U23 - Karla og Kvenna - 19-22 ára (á árinu)

• UCI Junior - Karla og Kvenna - 17-18 ára (á árinu)*

• UCI U17 - Karla og Kvenna - 15-16 ára (á árinu)*

• UCI U15 - Karla og Kvenna - 13-14 ára (á árinu)*

Flokkar verða ræstir í aldursröð (yngstu flokkar fyrst) og kvennahópar í hverjum flokk á undan körlum.
 

*Keppendur 17 ára og yngri mega einungis keppa með skriflegu leyfi foreldra/forráðamanna með því skilyrði að hið minnsta annað foreldri sé á staðnum meðan keppni fer fram. Foreldri skal gefa sig fram við afhendingu gagna.

Sjái foreldri sér ekki fært um að koma getur hann útnefnt ábyrgðaraðila sem fylgir barni í keppni og gefur sig fram við afhendingu gagna. Ábyrgðaraðili verður að hafa ná 18 ára aldri og getur ekki verið skráður keppandi.