Lokahóf Hjólreiðasambands Íslands

Kæru félagar

Hjólreiðasamband Íslands boðar hér með til lokahófs sem haldið verður laugardaginn 27. október næstkomandi.

Lokahófið fer fram á 3. hæð í húsakynnum ÍSÍ við Engjateig, húsið opnar kl. 18:30 og dagskrá hefst kl. 19:00 á 3. hæð.

Dagskráin verður örstutt:

1. Ávarp formanns stjórnar HRÍ.
2. Bikarmeistarar verða krýndir í TT, fjallahjólreiðum og downhill. Keppendur í U15 og U17 fá viðurkenningu fyrir þátttöku í mótum samhliða bikarmótunum.
3. Hjólreiðakona og hjólreiðamaður ársins útnefnd.
4. Efnilegasti pilturinn og stúlkan valin.
5. Heiðursfélagi 2018.

Að lokinni dagskrá verður á jarðhæðinni boðið upp á veitingar, fljótandi veigar á vægu verði og skemmtilega tónlist. Hittumst í sparifötunum og verum svolítið hress saman.

Skráning og greiðsla 2.000 kr. fer fram hér. Vinsamlega skráið ykkur ekki seinna en á hádegi miðvikudaginn 24. október.

Stjórnin.