Tímataka: Íslandsmeistaramót og 3. bikarmót

Upplýsingar - daginn fyrir TT mót

Keppendur athugið: 

- Það er verið að malbika hringtorgið sem er snúningspunktur og lýkur í kvöld. Ef það verður metið of hált í fyrramálið verður sett keila fyrir framan torgið sem verður þá snúningspunktur. Við látum vita af því á rásmarki. 

- Vatnsleysustrandarvegur hefur verið lagfærður sums staðar í köntum en búið er að sópa það sem hægt er að sópa. Farið samt endilega varlega. 

- Settar hafa verið upp 3, 2 og 1 km fjarlægðarmerkingar. Ef enginn stelur þeim næsta sólarhringinn þá ættu þær að standa í fyrramálið. 

- Það eru fá bílastæði í Vogunum, endilega sameinist í bíla. Það tekur 15 mínútur frá Áslandinu að keyra í Vogana. 

- Endilega akið Vogaafleggjarann en ekki keppnisbrautina þar sem fólk verður þar í upphitun.

- Það verður heitt á könnunni fyrir mót. 

Sjáumst hress í fyrramálið! 

Mót

Breiðablik heldur Íslandsmeistaramót sem jafnframt er 3. bikarmót í tímatöku (TT). Mótið er á sömu braut og var í 1. bikarmótinu á Vatnsleysustrandarvegi.

Upplýsingar

Bílastæði við íþróttamiðstöðina í Vogum og salernisaðstaða þar. Ræsing og endamark eru á Vatnsleysustrandavegi, um 100m frá gatnamótum Vogavegar. Hjólað í norðaustur eftir Vatnsleysustrandavegi 11 km leið og snúið við á hringtorgi (fyrra hringtorgið) við Reykjanesbraut og sama leið hjóluð til baka. Heildarhæðarhækkun í brautinni er um 50m.

Keppnislengd

22 km í öllum flokkum. 

Hjól

Keppnin er hugsuð fyrir tímatökuhjól og þríþrautarhjól en götuhjól eru einnig leyfð. 

Búnaður

Hjálmaskylda er í öllum keppnum á keppnisdagskrá HRÍ. Plötugjarðir og aero-hjálmar eru leyfð í öllum flokkum í Íslandsmeistaramótinu.

Reglur

Flöguafhending fyrir keppni fer fram í íþróttamiðstöðinni í Vogum kl. 9:00–9:30. Keppendur eru vinsamlega beðnir um að mæta tímanlega. Keppendur eru ræstir út með mínútu millibili. Rásröð miðast við úrslit síðustu sambærilegu tímatökukeppni sem var haldið 28. maí sl. Keppnishaldara er frjálst að raða keppendum sem ekki hafa tíma úr tímakeppni. Ráslisti verður birtur á hádegi daginn fyrir keppnisdag. Keppendur hjóla einir í tímatökukeppni og án utanaðkomandi aðstoðar. Keppendum er óheimilt að hjóla með öðrum hjólreiðamönnum eða nýta sér skjól eða kjölsog af öðrum hjólreiðamönnum eða ökutækjum sem kunna að vera í keppnisbraut. Ef keppandi nær öðrum keppanda sem ræstur var á undan þarf hraðari keppandinn að taka fram úr þeim hægari með því að vera a.m.k. 1,5 metra til hliðar við hann og án þess að nýta sér skjól af honum. Það er skylda hægari keppandans að vera kominn a.m.k. 25 metra fyrir aftan þann hraðari innan næstu 1.000 metra án þess að hafa reynt framúrtöku.

Skilmálar

Keppendur skulu klæðast hjólreiðafatnaði og ekki klæddir á ósæmilegan hátt. Keppendur sýna ávallt ýtrustu varúð í samræmi við aðstæður. Keppendur eru á eigin ábyrgð í keppninni og bera einir ábyrgð á slysi sem þeir kunn að valda. Keppendum ber að virða keppnisreglur og þær reglur sem keppnishaldari hefur gefið út þegar keppni er auglýst. Keppendur skulu sýna af sér íþróttamannslega hegðum sem er hjólreiðaíþróttinni til framdráttar. Keppendur skulu ávalt koma heiðarlega og drengilega fram við aðra þátttakendur jafnt í keppni og utan keppni. Hótanir og niðrandi ummæli um aðra þátttakendur eru hvorki leyfð í keppni né utan keppni. Keppnishaldari getur getur vikið keppanda úr keppni brjóti hann einhverja af ofantöldum skilmálum.

Allar skráningar færast inn í innheimtukerfi Breiðabliks og keppendur munu fá greiðsluseðil í heimabanka. Skráningargjaldið var 4.000 kr. en hækkaði í 6.000 kr. þann 25. júní kl. 23:59.

Nánari upplýsingar og ráslista er unnt að nálgast í keppnishandbók.