Vestri | hjólreiðar bjóða ykkur velkomin á Ísafjörð sunnudaginn 21. júlí n.k. á útivistarsvæði Ísafjarðar á Seljalandsdal. Við hvetjum ykkur til að lesa handbók þessa vel enda ýmis mikilvæg atriði sem geta skipt sköpun þegar að keppni kemur.

Mótið verður haldið í fjallahjólabraut (XCO) Ísafjarðar sem er staðsett á hjóla- og skíðagöngusvæðinu á Seljalandsdal. Ræst er á marksvæði við skíðaskálann. Sama dag fer fram Opna Ísafjarðarmót Vestra í aldursflokkunum 11-15 ára.

Fylgist með Vestra | hjólreiðum á Instragram, Facebook og heimasíðu félagsins. Hjólaleiðir í Ísafjarðarbæ má sjá á Trailforks.com og hvetjum við þátttakendur til að skoða fleiri leiðir.

Mótsstjórn

Keppnishaldari:      Vestri | hjólreiðar
Keppnisstjóri:         Heiða Jónsdóttir, keppnisstjóri, símanrr: 867 3755, netfang: hjolreidar@vestri.is
Yfirdómari:             Erlendur Þorsteinsson

Dagskrá

Föstudagurinn 19. júlí

16:00-19:00           Afhending keppnisgagna í CraftSport, Ísafirði

Laugardagurinn 20. júlí

18:00                     Brautarskoðun á Seljalandsdal

Sunnudagurinn 21. júlí

Dagskráin fer öll fram á Seljalandsdal

10:00-11:00            Afhending keppnisgagna                           

10:00-12:00            Brautarskoðun

12:00-12:15            Keppnisfundur                                              

12:30                       Ræsing                                                             

14:45                       Verðlaunaafhending                                   

15:00                       Opið Vestfjarðamót fyrir U15, U13 og U11

Brautarskoðanir og aðstaða

Brautarskoðanir verða laugardaginn 20. júlí kl. 18:00 og sunnudaginn 21. júlí kl. 10:00. Mæting við Skíðagönguskálann á Seljalandsdal. Strava segment er tilbúið og gamalt Relive myndband leiðinni með smávægilegum breytingum. Vinsamlegast athugið braut gæti breyst lítillega frá því sem þarna kemur fram.

Aðstaða til geymslu og smávægilegra lagfæringa keppnishjóla verður í tækjageymslu Skíðagönguskálans á Seljalandsdal. Aðstaða opnar kl. 18:00 laugardaginn 20. júlí og lokar að keppni lokinni. Ekki er borin ábyrgð á hjólum eða öðrum búnaði keppenda. Hægt verður að þrífa hjól við tækjageymslu að keppni lokinni.

Keppnisgjald og -gögn

Keppnisgjald er kr. 4.500,-. Skráningu lýkur 19. júlí kl. 19:00  20. júlí kl. 00:00. Skráning er á heimsíðu Hjólreiðasambands Íslands.

Afhending keppnisgagna fer fram föstudaginn 19. júlí milli kl. 16:00 og 19:00 í Craftsport, Ísafirði og sunnudaginn 21. júlí milli kl. 10:00 og 11:00 í Skíðagönguskálanum á Seljalandsdal. Rásnúmer skal vera á baki keppenda og á stýri á hjólum keppenda.

Keppnisfyrirkomulag

Flokkar verða ræstir hver á eftir öðrum með stuttu millibili. Mótsstjórn áskilur sér rétt til að ákveða tíma milli flokka og að breyta fjölda hringja ef breyta þarf braut.

Þátttakendur í Íslandsmeistaramóti fylgja reglum HRÍ um viðurkennd keppnishjól. Í meistaraflokki (almenningskeppni) eru öll hjól leyfileg en mælt með fjallahjóli (hardtail eða fulldempuðu). Hjálmaskylda er í öllum flokkum og skulu hjól vera lögleg og allur búnaður í lagi. Allir þátttakendur skulu fylgja keppnisreglum HRÍ og keppnishandbók þessari.

Hringunarregla gildir innan flokka. Þegar fremsti keppandi fer fram úr öðrum keppanda (hringar) úr sama flokki klárar sá sem er hringaður hringinn, en yfirgefur brautina áður en hann kemur að marklínu og heldur ekki áfram.

Brautin er rétt um 4 km að lengd, en getur tekið smávægilegum breytingum fram að keppni, telji dómari og/eða keppnisstjóri þess þörf.

Flokkar                                                            Fjöldi hringa

Elite KK (23 ára og eldri á árinu)                                     5 hringir  

Elite KVK  (23 ára og eldri á árinu)                                  4 hringir

U23 KK (19-22 ára á árinu)                                             5 hringir

U23 KVK (19-22 ára á árinu)                                           4 hringir

Junior KK (17-18 ára á árinu)                                          3 hringir

Junior KVK (17-18 ára á árinu)                                       2 hringir

U17 KK og KVK (15-16 ára á árinu)                                2 hringir

U15 KK og KVK (13-14 ára á árinu)                                1 hringur

Meistaraflokkur KK og Almenningsflokkur                       3 hringir

Meistaraflokkur KVK og Almenningsflokku                      2 hringir

Annað

Mikið er um að vera í Ísafjarðarbæ á helginni og því um að gera að taka þátt í fleiri viðburðum.

• Opið Vestfjarðamót fyrir U15, U13 og U11 á keppnisdegi kl. 15:00.
• Hlaupahátíð Vestfjarða, https://hlaupahatid.is/, fer fram sömu helgi og íslandsmeistaramótið, þar sem keppt er í sjósundi, hjólreiðum og ólíkum hlaupaleiðum.

Upplýsingar um mögulega gististaði má nálgast á www.westfjords.is.

HRI og Vestri þakka Hlaupahátíð Vestfjarða, Skíðasvæði Ísafjarðarbæjar og CraftSport, kærlega fyrir samstarfið.

Ef einhverjar fyrirspurnir vakna vinsamlegast hafið samband við keppnisstjóra.

Keppnisreglur

Keppt er samkvæmt flokkaskiptingu HRÍ.

Dómari með UCI réttindi mun dæma mótið. Keppendur sem ekki fara eftir reglum eiga á hættu að verða skráðir úr mótinu eða vísað úr keppni, ef annað er ekki tekið fram í tiltekinni reglu.

Helstu atriði sem keppendur ættu sérstaklega að kynna sér úr reglum HRÍ:

• HRÍ ber ekki ábyrgð á framkvæmd eða skipulagi og er ekki ábyrgt fyrir slysum eða óhöppum. Keppendur skulu ávallt sýna ýtrustu varúð í samræmi við aðstæður.
• Keppendur verða að kynna sér braut, dagskrá og aðrar leiðbeiningar eða sérreglur sem keppnishaldari gefur út.
• Ekki má stytta sér leið. Yfirgefi keppandi keppnisleiðina verður hann að koma inn á hana á stað og hún var yfirgefin.
• Það er leyfilegt að þiggja tæknilega aðstoð á leiðinni en ekki má skipta um stell. Sé farið út úr braut til þess að gera við búnað þarf að koma aftur inn á brautina á sama stað og farið var út úr henni og hefja þar keppni aftur.
• Keppandi sem veldur truflun í keppni með því að hindra eða stofna öðrum keppanda í hættu (t.d. í endaspretti) dæmist úr leik. Ber þar helst að nefna skyndilegar hraða- og stefnubreytingar í hóp hjólara.
• Í endaspretti skal keppandi undantekningalaust halda beinni línu og hafa a.m.k. aðra hendi á stýrinu. Dómari getur áminnt keppanda, dæmt keppenda aftast í hóp eða dæmt keppenda úr keppni, eftir alvarleika brotsins.
• Keppandi sem fer yfir endamarkslínu má ekki bremsa niður fyrr en 50 metrum eftir hana og þá skal hann fara út í vegkant eða út af veginum áður en hann stöðvast alveg. Ekki má vera stopp á miðjum veginum eftir marklínu. Alls ekki má hjóla til baka að marki nema í vegkanti, og þá einungis mjög hægt. Ekki má fara aftur yfir tímatökubúnað.

Búnaður: Allir keppendur skulu hjóla með reiðhjólahjálm á meðan á keppni stendur og klæðast viðeigandi hjólreiðafatnaði. Keppnisradíó eru bönnuð.

Leyfileg hjól:

• Öll venjuleg reiðhjól eru leyfileg í keppninni, en gæta skal að búnaður á því (ef til staðar), svo sem standari, bögglaberi, bretti eða annað slíkt, sé vel festur, og af búnaðinum stafi ekki hætta fyrir aðra keppendur.
• Liggistýri, letingjar, TT-bars eða annar sambærilegur búnaður er bannaður í allri keppninni. Venjulegir stuttir stýrisendar (festir á enda fjallahjólastýris) eru leyfðir.
• Fyrir keppendur í Íslandsmeistaramótinu gilda reglur HRÍ, sem í þessu tilfelli vísa beint á reglur UCI.

Vestri | hjólreiðar heldur Íslandsmót í fjallahjólreiðum á Ísafirði sunnudaginn 21. júlí. 

Mótið verður haldið í nýrri fjallahjólabraut (XCO) Ísafjarðar sem er staðsett á hjóla- og skíðagöngusvæðinu á Seljalandsdal. Ræst er á marksvæði við skíðaskálann.