Kleifarvatns tímataka

Mót

Hjólreiðafélagið Bjartur heldur 4. bikarmót í tímatöku (TT). Mótið fer fram í Krísuvík.

Upplýsingar

Bílastæði, ræsing og endamark eru við Seltún. Hjólað í norðaustur eftir Krísuvíkurvegi [42] 9.3 km leið og snúið við á punkti rétt fyrir malarkaflann við Vatnsskarð og sama leið hjóluð til baka. Heildarhæðarhækkun í brautinni er um 331m.

Keppnislengd

18.7 km í öllum flokkum.

Hjól

Keppnin er hugsuð fyrir tímatökuhjól og þríþrautarhjól en götuhjól eru einnig leyfð.

Búnaður

Hjálmaskylda er í öllum keppnum á keppnisdagskrá HRÍ. Plötugjarðir og aero-hjálmar eru leyfð í öllum flokkum í Bikarmótinu.

Reglur

Flöguafhending er einni klukkustund fyrir keppni við Seltún kl. 18:00–18:45. Keppendur eru vinsamlega beðnir um að mæta tímanlega. Keppendur eru ræstir út með mínútu millibili. Rásröð miðast við úrslit síðustu sambærilegu tímatökukeppni sem var haldið 30. júní sl. Keppnishaldara er frjálst að raða keppendum sem ekki hafa tíma úr tímakeppni. Ráslisti verður birtur á hádegi daginn fyrir keppnisdag. Keppendur hjóla einir í tímatökukeppni og án utanaðkomandi aðstoðar. Keppendum er óheimilt að hjóla með öðrum hjólreiðamönnum eða nýta sér skjól eða kjölsog af öðrum hjólreiðamönnum eða ökutækjum sem kunna að vera í keppnisbraut. Ef keppandi nær öðrum keppanda sem ræstur var á undan þarf hraðari keppandinn að taka fram úr þeim hægari með því að vera a.m.k. 1,5 metra til hliðar við hann og án þess að nýta sér skjól af honum. Það er skylda hægari keppandans að vera kominn a.m.k. 25 metra fyrir aftan þann hraðari innan næstu 1.000 metra án þess að hafa reynt framúrtöku.

Dómari

Jón Smári Einarsson

Skilmálar

Keppendur skulu klæðast hjólreiðafatnaði og ekki klæddir á ósæmilegan hátt. Keppendur sýna ávallt ýtrustu varúð í samræmi við aðstæður. Keppendur eru á eigin ábyrgð í keppninni og bera einir ábyrgð á slysi sem þeir kunn að valda. Keppendum ber að virða keppnisreglur og þær reglur sem keppnishaldari hefur gefið út þegar keppni er auglýst. Keppendur skulu sýna af sér íþróttamannslega hegðum sem er hjólreiðaíþróttinni til framdráttar. Keppendur skulu ávalt koma heiðarlega og drengilega fram við aðra þátttakendur jafnt í keppni og utan keppni. Hótanir og niðrandi ummæli um aðra þátttakendur eru hvorki leyfð í keppni né utan keppni. Keppnishaldari getur getur vikið keppanda úr keppni brjóti hann einhverja af ofantöldum skilmálum.

Allar skráningar færast inn í innheimtukerfi Bjarts og keppendur munu fá greiðsluseðil í heimabanka. Skráningargjaldið var 4.000 kr.

Keppnisbraut

https://www.strava.com/routes/12276275