TT stigamót Bjarts

Mót
Hjólreiðafélagið Bjartur heldur 3. bikarmót í tímatöku (TT) og fer það fram í Krísuvík.

Upplýsingar
Bílastæði, ræsing og endamark er við Seltún. Hjólað er norðaustur eftir Krísuvíkurvegi [42] 11.3 km leið og snúið við á punkti eftir að komið er yfir Vatnsskarðið námu megin og sama leið hjóluð til baka. Heildarhækkun í brautinni samkvæmt Strava er 259m.

Keppnislengd
22.6 km í öllum flokkum.

Hjól
Keppnin er hugsuð fyrir tímatökuhjól og þríþrautarhjól  en götuhjól eru einnig leyfð.

Búnaður
Hjálmaskylda er í öllum keppnum á keppnisdagskrá HRÍ. Plötugjarðir og aero-hjálmar eru leyfðir í þessari keppni í öllum flokkum.

Reglur
Afhending númera og tímatökuflögu fyrir keppni fer fram við Seltún frá kl  17:30 – 18:30. Keppendur skulu ræstir út með mínútu millibili. Fyrsti keppandi verður ræstur af stað kl. 19:00. Rásröð skal miðast við úrslit síðustu sambærilegu tímatökukeppni sem í þessu tilfelli er 2. Bikarmót í tímatöku sem fór fram 18. júní síðastliðinn. Keppnishaldara er frjálst að raða keppendum sem ekki hafa tíma úr tímakeppni. Ráslisti verður birtur kl. 10 að morgni keppnisdags. Keppendur hjóla einir í tímatökukeppni og án utanaðkomandi aðstoðar. Keppendum er óheimilt að hjóla með öðrum hjólreiðamönnum eða nýta sér skjól eða kjölsog af öðrum hjólreiðamönnum eða ökutækjum sem kunna að vera í keppnisbraut. Ef keppandi nær öðrum keppanda sem ræstur var á undan þarf hraðari keppandinn að taka fram úr þeim hægari með því að vera a.m.k. 1,5 metra til hliðar við hann og án þess að nýta sér skjól af honum. Það er skylda hægari keppandans að vera kominn a.m.k. 25 metra fyrir aftan þann hraðari innan næstu 1.000 metra án þess að hafa reynt framúrtöku.
Keppendur eru vinsamlega beðnir um að kynna sér vel uppfærðar keppnisreglur HRÍ um Íslandsmót og stigamót sem má finna á eftirfarandi slóð http://hri.is/upplysingar/keppnisreglur-hri

Skráningargjald og greiðsla
Allar skráningar færast inn í innheimtukerfi Bjarts og keppendur munu fá greiðsluseðil í heimabanka. Keppnisgjald er 4.000 kr í öllum flokkum.

Keppnisbraut
https://www.strava.com/segments/24813937 

Vegur

Lokað verður fyrir umferð meðan á keppni stendur.