Vortímataka Breiðabliks

Keppendur vinsamlega lesið: 

• Þeir sem eiga flögu, kannið hvort hún sé runnin út.
• Afhending á flögum er á tjaldstæðinu og þar er einnig salernisaðstaða (ATH, ekki í íþróttahúsinu). 
• Verðlaunaafhending fyrir utan íþróttahús að lokinni keppni í hverjum flokki fyrir sig, þrír efstu keppendur eru beðnir um að skila sér strax í verðlaunaafhendingu (sjá úrslit á timataka.net).
• Keppnishandbók og ráslisti.

ATH. Samkvæmt breyttri reglu HRÍ (4.7.3) skal á fyrsta móti tímabils miða við úrslit bikarmótaraðar síðasta keppnistímabils. Ríkjandi Íslandsmeistari skal þó ávallt ræsa síðastur óháð stöðu viðkomandi í mótaröð. Keppnishaldari ræður röð keppenda á ráslista sem ekki hafa stig í mótaröð. Þeir skulu þó ræsa á undan keppendum sem hafa stig.

Upplýsingar

Keppnin fer fram á TT braut sem byrjað var að nota árið 2019. Bílastæði við íþróttamiðstöðina í Vogum og salernisaðstaða er á tjaldstæðinu við hliðina á. Ræsing og endamark eru á Vatnsleysustrandavegi, um 100 m frá gatnamótum Vogavegar. Hjólað í norðaustur eftir Vatnsleysustrandavegi um 11 km leið og snúið við á (fyrra) hringtorginu við Reykjanesbraut og sama leið hjóluð til baka. Heildarhæðarhækkun í brautinni er um 50 m.

Keppnislengd

21,8 km í öllum flokkum.

Hjól

Keppnin er hugsuð fyrir tímatökuhjól og þríþrautarhjól í A-flokki (elite) en götuhjól eru einnig leyfð. 

Búnaður

Hjálmaskylda er í öllum keppnum á keppnisdagskrá HRÍ. Plötugjarðir og aero-hjálmar eru leyfðir í þessari keppni í öllum flokkum.

Reglur

Afhending númera fyrir keppni fer fram á tjaldsvæðinu við hliðina á íþróttamiðstöðinni í Vogum.

Áætlað er að keppendur verði ræstir út með mínútu millibili, en er kynnt með fyrirvara um sóttvarnaráðstafanir og fjölda keppenda.

Fyrsti keppandi verður ræstur af stað kl. 19:00. Á fyrsta móti tímabils skal miða við úrslit bikarmótaraðar síðasta keppnistímabils. Ríkjandi Íslandsmeistari skal þó ávallt ræsa síðastur óháð stöðu viðkomandi í mótaröð. Keppnishaldari ræður röð keppenda á ráslista sem ekki hafa stig í mótaröð. Þeir skulu þó ræsa á undan keppendum sem hafa stig. (Grein 4.7.3)

Ráslisti verður birtur kl. 10 að morgni keppnisdags.

Keppendur hjóla einir í tímatökukeppni og án utanaðkomandi aðstoðar. Keppendum er óheimilt að hjóla með öðrum hjólreiðamönnum eða nýta sér skjól eða kjölsog af öðrum hjólreiðamönnum eða ökutækjum sem kunna að vera í keppnisbraut. Ef keppandi nær öðrum keppanda sem ræstur var á undan þarf hraðari keppandinn að taka fram úr þeim hægari með því að vera a.m.k. 1,5 metra til hliðar við hann og án þess að nýta sér skjól af honum. Það er skylda hægari keppandans að vera kominn a.m.k. 25 metra fyrir aftan þann hraðari innan næstu 1.000 metra án þess að hafa reynt framúrtöku.

Keppendur eru vinsamlega beðnir um að kynna sér vel uppfærðar keppnisreglur HRÍ um Íslandsmót og stigamót.

Skráningargjald og greiðsla:

Allar skráningar færast inn í innheimtukerfi Breiðabliks og keppendur munu fá greiðsluseðil í heimabanka. Skráningargjaldið er 4.000 kr. en hækkar í 6.000 kr. mánudaginn 3. maí kl. 23.59. Einnig má leggja inn á reikning 546-26-4302, kt. 430215-1240 og senda kvittun á hjol@breidablik.is