Reykjanesmót 3N - Reykjanesmót 3N 100km KARLAR Master

Upplýsingar

Þetta mót er hluti af bikarmótaröð Hjólreiðasambands Íslands í götuhjólreiðum. Allir sem taka þátt í bikarmóti á vegum HRÍ þurfa að vera skráðir í hjólreiðafélag sem er meðlimur í HRÍ.

Samkvæmt núgildandi sóttvarnarlögum eru leyfðir einungis 50 keppendur per keppni. Því verða einungis leyfðir 50 keppendur í þessari keppni. Ef það kemur inn skráning eftir að 50 keppendur eru skráðir þá verður sú skráning gerð ógild og þáttakandinn fær að sjálfsögðu endurgreidd sín keppnisgjöld. 

Til þess að sem flestir geti tekið þátt miðað við núverandi sóttvarnarlög þá verður þetta ein keppni per flokk. Þetta þýðir að flokkar sem myndu venjulega vera ræstir saman og vinna saman verða nú ræstir í sitthvoru lagi með sirka 5 mín millibili.

Skráningu lýkur á miðnætti fimmtudags, nánar tiltekið 6.maí kl. 23:59. Ekki verður hægt að skrá sig í keppnina eftir þann tíma, hvorki almennings né bikarmót HRÍ. Engar undantekingar verða á þessari reglu þar sem það þarf að undirbúa ráshólf og keppnisgögn með meiri fyrirvara núna.

Afhending gagna fyrir Reykjanesmót 3N 2021 fer fram í versluninni PELOTON EHF, Klettagarðar 23, 104 Reykjavík. Sækja þarf gögnin laugardaginn 8. maí, milli kl 11:00-15:00. Ekki verður hægt að fá gögn afhent á keppnisdegi vegna hættu á hópamyndun á mótssvæði.

Keppnisbraut

100 km A karlar, A konur, Master karlar og Junior karlar

Hjólað að Reykjanesvirkjun, þaðan stefnan tekin á Grindavík. Ekki er hjólað inn að Reykjanesvirkjun. Þegar keppendur nálgast Grindavík þá er tekin vinstri beygja norður á Bláalónsveginn (426). Það er hjólað eftir honum að bílastæðinu hjá Bláalóninu. Farið er inn á bílastæðið við Bláalónið og snúið við þar. Það skal tekið fram að þetta svæði er hlutlaust svæði (e. neutral zone) og því ekki leyfilegt að taka fram úr keppenda þar. Keppendur halda svo sömu leið til baka en fara ekki inn að Reykjanesvirkjun í baka leiðinni.

Hér má sjá Strava prófíl fyrir þessa leið:

https://www.strava.com/routes/2822501277052087296

Áætluð snúningsleið við Bláalónið er svona:

Ræsing

Áætlað er að ræsing hefjist kl.9. Nánari tímasetning ætti að koma föstudaginn 7.maí þegar við höfum nánari upplýsingar um fjölda keppenda og mögulegar breytingar á sóttvarnarlögum. 

Því er mikilvægt fyrir fólk að fylgjast vel með tölvupóstum frá keppnishaldara varðandi nánari tímasetningu á þeirra ráshólfi. Miðað við fjölda ráshólfa sem eru áætlaðir þá gæti tekið dágóðan tíma að koma öllum af stað.

5 mínútum fyrir ræsingu hvers flokks verður opnað fyrir sérstakt ráshólf þar sem einungis keppendur fyrir næstu ræsingu eru leyfðir. 

Búnaður

Það er skylda að vera með hjálm.

Það er grímuskylda á öllum keppendum þangað til rétt fyrir keppni. Ekki er leyfilegt að kasta frá sér grímum í rásmarki.

Fylgdarbílar

Fylgdarbílar eru leyfðir í bikarkeppninni. Til þess að sækja um leyfi fyrir fylgdarbíl þarf að senda eftirfarandi upplýsingar á mótsstjóra:

• Skráninganúmer á fylgdarbílnum
• Lýsing á bílnum (tegund, litur)
• Nafn á bílstjóra
• Farsímanúmer hjá bílstjóranum og öllum aðstoðarmönnum
• Tölvupóstur hjá bílstjóra og öllum aðstoðarmönnum
• Hvaða keppanda bíllinn er að fylgja

Mjög mikilvægt að bílarnir séu merktir með stóru F sem er fest innan á afturrúðu og hliðarrúður báðu megin.

Fylgdarbílar skulu í einu og öllu fara eftir fyrirmælum dómara. Þegar tími á milli hópa er orðinn nægur til að dómari telur það vera öruggt að fara á milli hópa færir dómarabíllinn sig á milli hópanna og þeir fylgdarbílar sem eiga liðsmenn í þeim hóp fylgja á eftir.

Fylgdarbílar skulu alltaf keyra á eftir dómara, þeir mega aldrei vera á milli dómarabíls og keppenda.

Fylgdarbílar skulu koma í brautina frá Stafnesvegi. Fylgdarbílar skulu bíða þar þangað til hópurinn sem þeir fylgja kemur framhjá. Þá fara þeir inn í brautina á eftir dómarabíl ef hann er til staðar. Svo þegar keppendur eru að fara til baka að endamarki þá skulu fylgdarbílar fara út úr brautinni aftur á sama stað, semsagt við Stafnesveg. Fylgdarbílar eru ekki leyfðir við upphafs- og endamark.

Reglur

Skráning ekki tekin gild nema greiðsla hafi borist. Verðlaunapeningar í öllum flokkum. Mæting er við sundlaugina í Sandgerði (Skólastræti) en startið er á Stafnesvegi. 

Verðlaunaafhending

Verðlaunapeningar verða afhentir við endamark eftir því sem keppendur skila sér í mark. Veitt eru verðlaun fyrir efstu 3 sætin í hverjum flokki fyrir sig.  Aldursflokkaverðlaun verða send heim til vinningshafa. Engin formleg verðlaunaafhending fer fram. Það verða engin úrdráttarverðlaun í ár.