Íslandsmót í RR

Hjólreiðfélagið Tindur heldur Íslandsmótið í götuhjólreiðum laugardaginn 19. júní 2021, á Þingvöllum. Það verður varla þjóðlegra en að lyfta Íslandsmeistarabikar en á Þingvöllum og svo skömmu eftir þjóðhátíðardaginn sjálfan. Boðið verður upp á skemmtilega áhorfendavæna keppni þar sem hægt er að fylgjast með keppendum í 100 km + brautunum koma aftur inn á Þingvöll og fara lokahring/ina á áhorfendavænum stöðum. Auk þess sem verður gaman að fylgjast með öðrum flokkum í brautinni þar sem brautin liggur í ca. 17km  hring og fer eftir flokkum hvað það verða farnir margir hringir. 

Ræsing á öllum flokkum verður við eða í námunda við Þjónustumiðstöðina og nákvæm staðsetning verður gefin út í keppnishandbók. Flestir hópar verða ræstir á milli 9:00 og 9:15 en nema Elite og U23 karla sem ræsa klukkan 10:30.

Brautarlýsing eftir flokkum. 

1. Elite + U23 karlar - ca. 135 km - 1188m hækkun, . Stutt leiðarlýsing: Ræst í námunda við þjónustumiðstöðina á Þingvöllum, vegur 36 niður að vegi 35m til baka að Þingvöllum um vegi 350 og 360. Þegar komið er á Þingvelli eru hjólaðir 3 hringir, réttsælis, sem vegir 36 og 361 mynda. Lokamarkið verður á vegi 361, stuttu eftir Efrivallarvegs afleggjarann.
    
2. Elite + U23 konur - ca. 118 km - 1047m hækkun
   Stutt leiðarlýsing:Ræst í námunda við þjónustumiðstöðina á Þingvöllum, vegur 36 niður að vegi 35m til baka að Þingvöllum um vegi 350 og 360. Þegar komið er á Þingvelli eru hjólaðir 2 hringir, réttsælis, sem vegir 36 og 361 mynda. Lokamarkið verður á vegi 361, stuttu eftir Efrivallarvegs afleggjarann.
    
3. Junior + masters + B-flokkur karlar - 101 km - 906 m hækkun
   Stutt leiðarlýsing:Ræst í námunda við þjónustumiðstöðina á Þingvöllum, vegur 36 niður að vegi 35m til baka að Þingvöllum um vegi 350 og 360. Þegar komið er á Þingvelli eruaftur inn á veg 36 og beygt inn á veg 361. Lokamarkið verður á vegi 361, stuttu eftir Efrivallarvegs afleggjarann.
   Reglur um gírhlutfall gilda fyrir Junior flokkinn en hæsta leyfilega gírhlutfall í götuhjólagreinum þar er 7,93 m á einum pedalasnúningi
   
    
4. U15 kk/kvk - 34 km -282 m hækkun.
   Stutt leiðarlýsing: Ræst í námunda við þjónustumiðstöðina á Þingvöllum og hjólaðir 2 hringir réttsælis sem vegir 36 og 361 mynda. Lokamarkið verður á vegi 361, stuttu eftir Efrivallarvegs afleggjarann.
   Reglur um gírhlutfall gilda fyrir U15 flokkinn en hæsta leyfilega gírhlutfall í götuhjólagreinum þar er 6,35 m á einum pedalasnúningi
    
5. U13 kk/kvk - 17 km - 141 m hækkun.
   Stutt leiðarlýsing: Ræst í námunda við þjónustumiðstöðina á Þingvöllum og hjólaður 1 hringur réttsælis sem vegir 36 og 361 mynda. Lokamarkið verður á vegi 361, stuttu eftir Efrivallarvegs afleggjarann.
   U13 keppendur þurfa fylgdarfólk þar sem brautin er ekki lokuð af og regla um gírhlutfall gildir en hún er að hæsta leyfilega gírhlutfall í götuhjólagreinum fyrir U13 er 5,89 m á einum pedalasnúningi.
    
6. U17 kk/kvk + Junior kvk + masters kvk + B-flokkur kvk  -ca 68 km - 564 m hækkun.
   Stutt leiðarlýsing:  Ræst í námunda við þjónustumiðstöðina á Þingvöllum og hjólaðir 4 hringir réttsælis sem vegir 36 og 361 mynda. Lokamarkið verður á vegi 361, stuttu eftir Efrivallarvegs afleggjarann.
   Reglur um gírhlutfall gilda fyrir Junior flokkinn en hæsta leyfilega gírhlutfall í götuhjólagreinum þar er 7,93 m á einum pedalasnúningi
   Reglur um gírhlutfall gilda fyrir U17 flokkinn en hæsta leyfilega gírhlutfall í götuhjólagreinum þar er 7,01 m á einum pedalasnúningi

Skráningarfrestur rennur út kl 22 fimmtudaginn 17. júní og verður ekki hægt að skrá sig að þeim tíma loknum. Afhenting keppnisgagna verður tilkynnt þegar nær dregur. 

Vegna vandamáls á HRÍ vefnum getur tekið smá tíma að sjá nafnið sitt á keppendalista en allar skráningar berast inn í kerfið

Keppnishandbók er HÉR:

Öllum fyrirspurnum er svarað í tölvupósti á netfangið info@tindur.cc