Fjallabrun 4. bikarmót Akureyri

Bikarmót í fjallabruni verður haldið í Hlíðarfjalli sunnudaginn 12. september.

Ræsing er klukkan 12:00. Ræst verður sunnan við efri enda á stólalyftunni Fjarkanum.

Afhending keppnisgagna fer fram í Strýtuskála milli klukkan 10:00 og 11:00. Brautin er opin til æfinga þangað til 11:30.

Vinsamlegast athugið að lyftupassi í Hlíðarfjall er ekki innifalinn í skráningargjaldi.

Lyftan í Hlíðarfjalli verður opin laugardag og sunnudag kl. 10-16.

Keppendur sem ekki eiga sumarkort í fjallið geta keypt kort á tilboðsverði:
Dagpassi fyrir hvorn dag um sig á kr. 2200 (fullt verð eru kr. 4.400).

Skoða má brautina á Strava hér. 

Ráslisti verður unnin eftir árangri úr fyrri mótum og verður birtur hér á vefnum á keppnisdag. Keppendur fá úthlutað rásnúmer í samræmi við ráslista.

Hjólaðar eru tvær umferðir og gildir betri tíminn. Keppendum er frjálst að sleppa seinni umferðinni kjósi þeir að gera það.

Í A-flokkum verður tími úr fyrri umferð notaður sem rásröð fyrir seinni umferð. Í öðrum flokkum verður sama rásröð í báðum umferðum.

Keppt er eftir Keppnisreglum HRÍ

Sérstaklega skal skoða kafla 5.3 um Fjallabrun.

Keppnishandbók má sjá hér.

Búnaður:

Samkvæmt keppnisreglum HRÍ skal nota hjálm sem ver allt andlit (full-face) bæði í keppni og við æfingar. Hjálmurinn verður að vera með skyggni. Opnir hjálmar án kjálkahlífar eru bannaðir. Einnig skal vera með augnhlífar (gogglur eða hlífðargleraugu).

Þar að auki gerir HFA kröfu um að allir keppendur séu með hnéhlífar.