Tindur Enduro

Laugardaginn 11. Júní

Leiðir verða í nágrenni Reykjavíkur gefnar út í vikunni fyrir keppni Við mælum með fullface hjálmum, bakbrynju og hlífðarbúnaði. Bakpoki með næringu og auka fatnaði er lykilatriði ásamt auka þurrum vettlingum, fyrstu hjálpar kitti og slöngu og öðrum nausynlegum varahlutum.

A flokkur 18 ára + fyrir þá sem ætla að hafa gaman en jafnframt berjast um hröðustu tímana.

M35+ Fyrir hetjur liðinna ára...

Junior 16-18 ára

B flokkur 18 ára+ fyrir þá sem ætla að hafa gaman og mögulega keppast um betri tíma en vinir eða vinkonur

Rafhjólaflokkur fyrir stuðhjólara. Keppendur verða að vera 16 ára eða eldri

Reglur

Keppnisfyrirkomulagið er Enduro eins og það er skilgreint af samtökum um Enduro fjallahjólakeppnir © Enduro Mountain Bike Assoc™. Ekki er unnt að fylgja opinberu reglunum í öllum atriðum en við munum reyna að heiðra þær í aðalatriðum. Reglur er að finna á heimasíðu Enduro Ísland http://www.enduroiceland.com/reglur.html

Leiðirnar

Leiðir verða eftirfarandi:

Leið 1. Niður Reykjaborg frá Borgarvatni. öll leiðin er 1 stage. þ.e. yfir bílveginn og yfir lækinn neðst, nánast alveg niður að bílastæði.

https://www.strava.com/routes/2968951712778134198

Leið 2. Mordalur (svifdrekaleiðin)

https://www.strava.com/routes/2968952243320765150

Leið 3. Reykjaborg, langa leiðin sem endar í skóginum.

https://www.strava.com/routes/2968955045646949046

Leið 4. Reykjafellið, endar við hestagerðið.

https://www.strava.com/routes/2968955401694393054

Við hittumst og höfum aðstöðu hjá Björgunarsveitinni Kyndill í Mosó og þar verður hægt að smúla hjól og mannskap eftir keppni..... Svanur sér svo um að engin verði svangur og réttir brosandi "Burger og bjór". Svo verður verðlaunaafhending og gleði í lokin... þið þekkið þetta alveg... 

Við ætlum að ræsa frá Kyndli kl. 13:00. hjólað verður samhjól upp að bílastæði við Hafravatn og þaðan fer mannskapurinn af stað upp bílveginn. Sjúkragæsla verður á flakkinu á svæðinu meðan keppni stendur.

Það verður forvitnilegt að sjá mesta hraðasta á mönnum niður Reykjafellið en endinn á þeirri leið býður upp á glórulausa siglingu, menn geta borið saman hraðann hjá sér á Strava yfir einum hrímuðum á Planinu hjá Kyndli eftir mót. Nú þeir sem eru ekki að keppa heldur bara að njóta... geta bara borið saman hver fór hægast þarna niður eða bara höfuðmál í tommum eða lengd á vinstri handlegg eða bara hvað sem er... þetta á jú fyrst og fremst að vera gaman!

Við leggjum okkur alla fram við að gera þetta sem skemmtilegast.

Pís!

Skilmála

• Þáttakendur verða að kynna sér reglur keppninnar. http://www.enduroiceland.com/reglur.html

• Þátttakendur þurfa að hafa kynnt sér keppnisleiðina og aðstæður en brautin er gefin upp í vikunni fyrir keppni

• Það er á ábyrgð þátttakenda að rata og fylgja keppnisleiðinn.

• Þátttakendur þurfa að vera með þann hlífðar- og skyldubúnað sem krafist er í reglum. • Þátttakendur gera sér grein fyrir hættum á líkams- og eignatjóni sem fylgir viðburði sem þessum og eru á eigin ábyrgð á viðburðinum og í keppninni sjálfri.

• Fjöldatakmörkun gildir. Fyrstur kemur fyrstur fær. Þáttökugjöld fást ekki endurgreidd en sætin eru framseljanleg.

• Tindur áskilur sér rétt til þess að færa viðburðinn/keppnina aftur um eina viku í því tilfelli að á keppnisdag verði aftaka-veður af þeim toga sem stofnaði þátttakendum í hættu