Kulda fjallabrunið í Úlfarsfelli

Fjallabrun í Úlfarsfelli

Tvær ferðir, betri tími gildir. 

U13 og U15 þurfa að hafa forráðamenn á svæðinu og eru alfarið á ábyrgð þeirra. Ætlast er til að foreldrar/forráðamenn skoði brautina með keppanda áður en farið er af stað. Brautin er brött, grýtt og tæknileg og eingöngu fyrir þá allra vönustu (það að geta rúllað niður Skálafellið er ekki ávísun á að geta rúllað Úlfarsfellið).

Ekki er leyfilegt að nýta sér skutl upp á topp í keppnisferðum.

Bikarmót í fjallabruni verður haldið í Úlfarsfelli Laugardaginn 27. Ágúst

Ræsing er klukkan 11:00. 

Afhending keppnisgagna fer fram á bílastæðinu við botn brautar milli klukkan 9:30 og 10:30. Brautin er opin til æfinga þangað til 10:30

Ráslisti verður unnin eftir árangri úr fyrri mótum og verður birtur hér á vefnum á keppnisdag. Keppendur fá úthlutað rásnúmer í samræmi við ráslista.

Hjólaðar eru tvær umferðir og gildir betri tíminn. Keppendum er frjálst að sleppa seinni umferðinni kjósi þeir að gera það.

Keppt er eftir Keppnisreglum HRÍ

Sérstaklega skal skoða kafla 5.3 um Fjallabrun.

Búnaður:

Samkvæmt keppnisreglum HRÍ skal nota hjálm sem ver allt andlit (full-face) bæði í keppni og við æfingar. Hjálmurinn verður að vera með skyggni. Opnir hjálmar án kjálkahlífar eru bannaðir. Einnig skal vera með augnhlífar (gogglur eða hlífðargleraugu).

Þessi braut er sú tæknilegasta í mótaröðinni og því biðjum við keppendur að skoða hana vel áður en keppt er og nota hnéhlífar og bakbrynjur.