HFR Cross Cup #2

Þetta mót er 2. bikar í bikarmótaröð HFR í cyclocross. Rétt til þátttöku á bikarmótum
hafa fullgildir meðlimir í viðurkenndu hjólreiðafélagi eða hjólreiðadeildar innan
vébanda ÍSÍ (skráð í umsjónarkerfi ÍSÍ).
Skráningu lýkur fimmtudaginn 29. september kl. 23:59. Ekki verður hægt að skrá sig
til keppni eftir þann tíma.
Afhending gagna fyrir keppni fer fram við rásmark.
Gróf drög að braut má sjá á mynd: HFR áskilur sér allan rétt til breytinga - keppendur
geta kynnt sér lokaútfærslu á brautinni fyrir keppni.
Allur ávinningur af mótahaldi og veitingasölu á mótinu rennur í Barna og
Unglingastarf HFR.

Reglur
Keppendur eru vinsamlega beðnir um að kynna sér keppnisreglur HRÍ
(https://hri.is/assets/uploads/ckfinder/files/Keppnisreglur HRÍ 2022.p
df) og þá sérstaklega kaflann sem snýr að keppni í cyclocross (kafli 6). Mótshaldari
tekur fram að hringunarreglu verður ekki framfylgt í þessari mótaröð, þegar fyrsti
keppandi í viðkomandi ráshópi hefur lokið tilskyldum hringafjölda eru aðrir keppendur
stöðvaðir í endamarki. UCI reglur um dekkjabreidd gilda ekki í þessu móti, sjá
kaflann um búnað að neðan.
Athugið að aldursflokkar í þessari mótaröð miðast við aldur keppenda á árinu 2023. 

Ræsing
Rástímar verða auglýstir degi fyrir keppni. Lagt er upp með eftirfarandi tímalengdir til
hliðsjónar í keppnunum, en ráshópar og tímalengdir í hverri keppni verður tilkynntur
á keppnisdag (og ræðst af fjöld skráninga):
A og B flokkur (kk) - 50-60 mín
A og B flokkur (kvk) - 40-50 mín
C, Junior kk/kvk - 40 mín
U17 og yngri - 30 mín

Keppnisbraut

Keppnisbrautin verður í Elliðaárdal og eru drög að henni sýnd á mynd. Brautin fer
upp stíg meðfram Elliðaá, niður Rafstöðvarveg, inn á skíðasvæði í Ártúnsbrekku og
þaðan inn að Rafstöðinni. HFR áskilur sér rétt til breytinga, en brautin verður merkt
kvöldið fyrir keppnisdag. Um er að ræða um 1.5km braut, með blönduð yfirborði, svo
sem gras, möl, malbik og mold. Keppendur eru beðnir um að virða þau tilmæli
lóðarhafa við Rafstöðina að hjóla ekki á leiksvæðum barna (brautin fer ekki um
leiksvæðið) og fara varlega á göngustígum á lóðinni.

Búnaður
A, B, U23 - Öll hjól með hrútastýri leyfð, og allar dekkjabreiddir heimilar. Óheimilt er
að hafa bretti, standara eða annan óþarfa búnað á hjólinu sem kann að valda
keppendum skaða.
Junior og yngri, C flokkur - Öll hjól leyfð, en þó er óheimilt að hafa opna stýrisenda
eða horn á stýri, bretti, standara eða annan búnað á hjólinu sem kann að valda
keppendum skaða.