Reykjamótið

Afturelding og Breiðablik halda saman Reykjamótið sem er Íslandsmót og almenningsmót í maraþonfjallahjólreiðum (XCM) á og í kringum Reykjafell og Æsustaðafjall laugardaginn 16. ágúst 2025. 

Mótsstjórar á mótsdag eru Bjarni Óli Haraldsson (771 6800) og Hrefna S. Jóhannsdóttir (862 7669) – vistið númerin í símann ykkar.

Vinsamlega lesið vel eftirfarandi texta – þetta er handbókin fyrir mótið:

Bílastæði, salerni og geymsla

Vinsamlega leggið bílum við Reykjalund (hér: https://maps.app.goo.gl/nxKyGr2e7eAuCfAz5 eða hér: https://maps.app.goo.gl/je58hbAzhWN8NvXH6). Biðjum ykkur að virða að óheimilt er að leggja í Skammadal eða koma að rásmarki frá Mosfellsdal.

Salerni eru við rásmarkið.

Hægt er að geyma bakpoka í skúrnum við rásmarkið. 

Keppnisgögn

Allir keppendur þurfa að leigja sér flögu fyrir mót: https://netskraning.is/flogur/ sem unnt er að nálgast við rásmark og er fest hægra megin á framgaffalinn.

Kl. 9:00–9:30 fer fram afhending keppnisgagna við rásmark efst í Skammadal (https://maps.app.goo.gl/1xzQ3zUrULUids6u6), þar fá keppendur afhenta flögu og númer framan á stýri.

Rásmark og brautin

Hér er lokaútgáfa á slóðina fyrir brautina: https://strava.app.link/CqlISh7EyVb 

Rásmarkið er efst í Skammadal (https://maps.app.goo.gl/1xzQ3zUrULUids6u6) og má gera ráð fyrir að vera 5-10 mín. að hjóla þangað frá bílastæðinu við Reykjalund.

Einn hringur er 17,8 km með 500 m hækkun.

Brautin er merkt með rauðum flöggum og appelsínugulu spreyi. Það er á ábyrgð keppenda að þekkja brautina og hlaða henni upp á garmin eða sambærilegt tæki. Ekki verða brautarverðir uppi í fjöllunum en við hlið og þar sem möguleiki er á bílaumferð verða brautarverðir.

Rástímar

Keppnisfundur fer fram á rásmarki 3 mínútum fyrir hverja ræsingu.

Ræsing

Kl. 9:50 Rafhjólaflokkur (5 keppendur sem fara 1 hring)

Kl. 10:00 Karlaflokkarnir

• A/Elite og U23 (10 keppendur sem fara 3 hringi)
• B-flokkur (5 keppendur sem fara 2 hringi)
• Masters 35+ og Junior (6 keppendur sem fara 1 hring)

Kl. 10:04 Kvennaflokkarnir

• A/Elite og U23 (5 keppendur sem fara 2 hringi)
• B-flokkur, Masters 35+ og Junior (6 keppendur sem fara 1 hring) 

Kl. 10:06 C-flokkur (1 keppandi sem fer 1 hring)

Viðgerðasvæði

Í grennd við endamarkið verður afmarkað viðgerðasvæði. Þar verður í boði vatn, batterí og gifflar.

Drykkjarstöð

Eftir 10,3 km verður drykkjarstöð við hlið (https://maps.app.goo.gl/STM6xgEBSsMiKRvj6) þar sem boðið verður upp á vatn, batterí, gifflar og snickers. Þar er einnig millitímatökutæki sem keppendur fara yfir.

Reglur

Keppendum ber að kynna sér reglur HRÍ fyrir mótið, sér í lagi kafla 5.2.

Engin hringunarregla er í gildi.

ATH. Ef slys verður í braut eru keppendur beðnir um að hringja í 1-1-2 og svo í mótsstjóra, annaðhvort Bjarna Óla (771 6800) eða Hrefnu (862 7669).

Rafhjólareglur

Ath. Einungis svokölluð „pedal-assist“ rafmagnshjól eru leyfð, sem einungis veita aukaafl ef hjólreiðamaðurinn er þegar að stíga hjólið. Þau eru skilgreind í b-lið 30. tölul. 3. gr. umferðarlaga nr. 77/2019: Hjól með stig- eða sveifarbúnaði, búið rafknúinni hjálparvél þar sem samfellt hámarksafl er allt að 0,25 kW og afköstin minnka smám saman og stöðvast alveg þegar hjólið hefur náð hraðanum 25 km á klst. eða fyrr ef hjólreiðamaðurinn hættir að stíga hjólið.

Önnur rafmagnshjól eru ekki leyfð; sér í lagi hjól sem skilgreind eru í 28. tölul. 3. gr. umferðarlaga. 

Svokallaður kubbur er ekki leyfður og hjól í þremur efstu sætum verða skoðuð.

Verðlaunaafhending og veitingar

Icebike býður öllum keppendum og sjálfboðaliðum upp á grillaðan hamborgara og drykk að lokinni keppni í Amsturdam 7 (næst suðurendanum á Reykjalundi: https://maps.app.goo.gl/x4wvVKsKp479ZciC6). Þar er salerni í boði.

Á sama stað fer verðalaunaafhending fram eftir að kærufrestur rennur út sem er 30 mínútum eftir að síðasti keppandi kemur í mark.

Mótanefnd skipa: 

• Ólafur Örn Bragason Aftureldingu
• Gissur Örlygsson Aftureldingu
• Þröstur Þorgeirsson Aftureldingu
• María Sæm Bjarkardóttir Breiðabliki
• Bjarni Óli Haraldsson Breiðabliki
• Hrefna S. Jóhannsdóttir Breiðabliki