Fjallabrunshelgi HFA Hlíðarfjalli - 29. og 30. ágúst 2026

Fimmta bikarmót í mótaröðinni - Sunnudagur 30. ágúst

Við minnum á reglur HRÍ um að nauðsynlegt er að vera meðlimur í aðildarfélagi HRÍ til að geta keppt um stig til bikarmeistara. Sjá keppnisreglur, kafli 2. 

Hér er keppnishandbók

Tími og staðsetning

• Hjólað verður í "Gömlu Downhill brautinni" í Hlíðarfjalli. Brautarskoðun verður ekki formleg.
• Mæting er við Strýtuskála í Hlíðarfjalli
• Ræsing er kl. 13:00
• Braut lokar kl. 12:30
• Afhending gagna kl. 11-12 á mótsdegi - athugið að eftir það er ekki unnt að sækja gögn. Athugið að gæta að því hvort tímatökuflaga hafi verið pöntuð.

Öryggi og hlífðarbúnaður

Eftirfarandi kröfur um öryggi og hlífðarbúnað gilda fyrir bæði mót: 

Við biðjum keppendur um að skoða brautir vel áður en keppt er. 

Samkvæmt keppnisreglum HRÍ, gr. 5.3.3 er keppendum skylt að nota eftirfarandi hlífar, bæði í keppni og við æfingar: 

• Hjálm sem ver allt andlit (full-face), með skyggni og kjálkahlíf. 
• Bakhlífar
• Hnéhlífar
• Augnhlífar - hlífðargleraugu

Samkvæmt keppnisreglum HRÍ, gr. 5.3.4, er sérstaklega mælt með eftirfarandi aukahlífðarbúnaði:

     A. Bak-, olnboga-, hné- og axlahlífum úr stífum efnum. 

     B. Vörn fyrir háls og hryggjarliði

     C. Vörn fyrir sköflunga og læri

     D. Víðum buxum úr rifvörðu efni með innbyggðum hlífum fyrir hné og kálfa, eða stuttbuxum úr rifvörðu efni ásamt hné og kálfahlífum

     E. Síðerma treyju

     F. Hönskum

Brautin

Keppt verður í einni braut í Hlíðarfjalli, "Gömlu Downhill brautinni". Í A-flokki eru farnar tvær ferðir í braut, fyrri ferðin er til þess að raða í rásröð fyrir seinni ferðina. Úrslit ráðast af stystu tímum í seinni ferð. Í öðrum flokkum eru hjólaðar tvær ferðir í brautinni og betri ferðin gildir til úrslita. Allir hafa tímatökuflögu sem þeir hafa leigt sjálfir eða keypt.

Flokkar

Skráningarflokkar eru U11, U13, U15, U17, Junior, A-flokkur, B-flokkur, Master 35+ og rafhjólaflokkur. 

Keppendur undir 18 ára eru alfarið á ábyrgð foreldra/forráðamanna. Gögn verða ekki afhent keppanda yngri en 18 ára nema ábyrgðaraðili sé til staðar.

Skilmálar

Með skráningu í mótið og móttöku mótsgagna samþykkir keppandi/forráðamaður skilmála HFA, sjá hér. Auk þess gilda almennir skilmálar.