Hjóladeild Aftureldingar er fyrir allt áhugafólk um hjólreiðar, börn sem fullorðna. Skipulagðar æfingar eru í boði fyrir æfingahóp og skipulagt samhjól verður í boði fyrir þá sem vilja bara njóta.
Hjólreiðadeild Breiðabliks er ungt félag sem var stofnað árið 2016 og hefur vaxið jafnt og þétt á undanförnum árum. Deildin leggur sig fram um að stuðla að öruggum hjólreiðum og efla ungt fólk með því að halda námskeið fyrir börn og unglinga og halda úti góðu félagsstarfi. Æfingar eru úti allt árið um kring þar sem farið er frá Smáranum en yfir vetrartímann stundum við æfingar inni í Sporthúsinu.
Hjólreiðafélag Reykjavíkur er íþróttafélag innan Íþróttabandalags Reykjavíkur. Markmið HFR er að efla hjólreiðar sem íþrótt á Íslandi. Félagið stendur fyrir keppnum bæði á fjalla- og götuhjólum, auk þess sem á vegum félagsins eru stundaðar æfingar undir leiðsögn reyndra þjálfara. Hjólreiðafélag Reykjavíkur er u.þ.b. 70 ára gamalt og er elsta hjólreiðafélag landsins. Nánari upplýsingar og skráning í félagið á www.hfr.is eða í netfang hfr@hfr.is
Hjólreiðafélag Akureyrar er félag allra sem hafa ástríðu fyrir hjólreiðum. Hvort heldur sem er til að hjóla, keppa eða útbúa og betrumbæta aðstöðu fyrir hjólreiðar í bæjarlandinu.
Sigurður Guðni Guðjónsson , kt. 081151-3189
Þetta félag er ekki aðili að HRÍ
Tindur hjólreiðafélag var stofnað árið 2011 af frumkvöðlum í hjólreiðum og keppnishjólreiðum á Íslandi. Ingvar Ómarsson, David Robertsson, Emil Guðmundsson, Torfi Kristbergsson, Grétar Ólafsson og Sigurður Óskar Pálsson. Tindur er hjólreiðafélag fyrir áhugafólk um hjólreiðar og hjólreiðaæfingar á Íslandi. Hjólreiðar eru fyrir alla en ekkert er betra en að þeysast um í góðum félagsskap. Meðlimir Tinds leggja sig fram um að ná sem bestum persónulegum árangri og hafa gaman að. Í Tindi hjólreiðafélagi er öflugt félagsstarf þar sem hver og einn getur sniðið sér stakk eftir vexti. Í boði eru opnar útiæfingar á racer, keppnishópur í götuhjólreiðum, fjallahjólaæfingar og -ferðir. Tindur heldur úti heilsárs æfingastarfi fyrir börn- og unglinga semhafa áhuga á hjólreiðum sem hreyfingu og íþrótt.
Vestri Hjólreiðar á Ísafirði. Við erum lítið félag og einbeitum okkur að fjallahjóla (Enduro/Ungdúro) slóðum. Við búum til brautir, höldum keppnir og leikum okkur í fjallagörður vestfjarða.
