Ungdúro HFR - Bikarmót

Ungduro HFR – Hvaleyrarvatni 21. september

Enduro keppni fyrir alla krakka og unglinga fædd 2007 - 2015 Sunnudaginn 21. september  kl 11 við Hvaleyrarvatn. 

Keppnisgjald er 4000 kr

Keppt verður í eftirfarandi aldursflokkum:

Junior 17-18 ára, 2007-2008 – 5 sérleiðir

U17 15-16 ára, 2009-2010 – 5 sérleiðir

U15 13-14 ára, 2011-2012 – 4 sérleiðir

U13 11-12 ára, 2013-2014 – 4 sérleiðir

U11 9 - 10 ára, 2015-2016. – 4 sérleiðir

Þátttakendur í U11 þurfa þarf að vera með forráðamann eða annan fullorðinn að hjóla með sér í gegnum keppnina.

Verðlaun verða veitt í hverjum kyn- og aldursflokki fyrir sig ásamt sérverðlaunum fyrir hraðasta tímann á Stórhöfða.

Stórhöfða sérleiðin verður hluti af heildarkeppninni í U17 og Junior keppninni ásamt því að veitt verða sérstök verðlaun fyrir hraðasta tímann niður Stórhöfða. Þeir sem vilja taka þátt í henni verða að vera með allan hlífðarbúnað, þ.e.a.s. bakbrynju, fullface og hnéhlífar.

ATH brautarskoðun fimmtudaginn 18. September kl. 17:30-19:00 fyrir þá sem vilja. Mæting við nýja bílastæðið við Hvaleyrarvatn.
  

Hér má sjá brautirnar:

Keppnisgögn

Keppnisgögn verða afhent við bílastæði vestan við Hvaleyrarvatn frá 10-10:45 á keppnisdag.

Gögn verða ekki afhent keppanda yngri en 18 ára nema ábyrgðaraðili taki við þeim.

Ath keppendur þurfa sjálfir að panta sér tímatökuflögu en það er gert hér:

https://netskraning.is/flogur/

Þeir sem leigja tímatökuflögu fyrir staka keppni fá hana afhenta á mótsstað með keppnisgögnum. Tímatökuflögu skal festa með bensli við framgaffal hjólsins.

Ungduro er keppnisform í fjallahjólreiðum þar sem allir hjóla saman langa leið og aðeins er keppt á merktum sérleiðum sem eru aðallega niður á móti. Keppandi stimplar sig inn í byrjun á þess konar sérleið og svo út í lok hennar. U11 – U15 hjóla 4 sérleiðir en U17 og Junior hjóla 5 sérleiðir. Samanlagður tími í öllum sérleiðum gildir til úrslita.

Skylda er að vera með góðan hjálm og hanska. Mælt er með að nota góðan hlífðarbúnað, s.s. full-face hjálm, brynju, hnéhlífar, gleraugu og annan viðeigandi búnað. Einnig þarf hjól að vera í viðunandi ástandi svo sem dekk, bremsur og handföng.

Öllum verður raðað í hópa eftir aldursflokkum sem hjóla saman alla leiðina og mun fullorðinn hjóla með hverjum hóp.