Íslandsmeistaramót í Cyclocross

Íslandsmeistaramót í Cyclocross

Hjólreiðafélag Reykjavíkur og Hjólreiðadeild Aftureldingar halda Íslandsmót í cyclocross í Gufunesi þann 18. október. Rétt til þátttöku á bikarmótum og íslandsmótum hafa fullgildir meðlimir í viðurkenndu hjólreiðafélagi eða hjólreiðadeildar innan vébanda ÍSÍ (skráð í umsjónarkerfi ÍSÍ). Þátttakendur vinsamlegast lesið allan textann að neðan.

Skráning:
Skráningu lýkur fimmtudaginn 16. október kl. 23:59. Ekki verður hægt að skrá sig í keppni eftir þann tíma, og standa þarf skil á keppnisgjöldum fyrir þann tíma. Afhending gagna fyrir keppni fer fram við rásmark.

Keppnisgjald
Verð fyrir Junior og yngri er 2500 Verð fyrir aðra er 4.500 krónur Athugið að keppendur sjá sjálfir um leigu á tímatökuflögu. Hægt er að ganga frá leigu á flögu á netskraning.is/flogur.

Reglur
Keppendur eru beðnir um að kynna sér keppnisreglur HRÍ og þá sérstaklega kaflann sem snýr að keppni í cyclocross (kafli 6). Mótshaldari tekur fram að hringunarreglu verður ekki framfylgt í þessu móti, þegar fyrsti keppandi í viðkomandi ráshópi hefur lokið tilskyldum hringafjölda eru aðrir keppendur stöðvaðir í endamarki. UCI reglur um dekkjabreidd gilda ekki í þessu móti, sjá kaflann um búnað að neðan.

Athugið að aldursflokkar í þessari mótaröð miðast við aldur keppenda á árinu 2026.

Ræsing
Hér er dagskrá á keppnisdag:

12:00 braut tilbúin til æfinga 13:00 afhending gagna Keppnisfundur kl 13:45 - við rásmark.

Start: Flokkur Áætlaður tími í braut 14:00 KK-A ca 60 mín í braut 14:00 KK-B ca 60 mín í braut 14:10 KVK-A ca 50 mín í braut 14:10 KVK-B ca 50 mín í braut

14:15 Junior KVK – KK ca 45 mín í braut 14:20 KK-KVK U17 ca 40 mín í braut 14:25 KK-KVK-U15 og yngri ca 35 mín í braut 14:25 KK-KVKU15 og yngri 35 mín í braut

Mótshaldari hringir bjöllu við endamark þegar tilteknum hringafjölda er náð, og eiga þá keppendur einn hring eftir í keppninni.

Keppnisbraut
Keppnisbrautin verður í Gufunesi og eru fyrstu drög að henni sýnd á mynd. Mótshaldari áskilur sér rétt til breytinga, en brautin verður tilbúin kl 12:00 á keppnisdag. Um er að ræða um 1,8km braut, með blönduð yfirborði, svo sem gras, möl, malbik og mold. Keppendur eru beðnir um að virða þau tilmæli frá staðarhaldara að fara varlega um svæðið fyrir keppnisdag, þar sem leiksvæði barna er á svæðinu.

Búnaður
A, B, U23 - Öll hjól með hrútastýri eru leyfð, og allar dekkjabreiddir heimilar. Óheimilt er að hafa bretti, standara eða annan óþarfa búnað á hjólinu sem kann að valda keppendum skaða.

Junior og yngri, C flokkur - Öll hjól leyfð, en þó er óheimilt að hafa opna stýrisenda eða horn á stýri, bretti, standara eða annan búnað á hjólinu sem kann að valda keppendum skaða.