MÓTINU ER AFLÝST VEGNA DRÆMRAR SKRÁNINGAR

Afturelding heldur Reykjamótið sem er Íslandsmót og almenningsmót í maraþonfjallahjólreiðum (XCM) á og í kringum Æsustaðafjall og Reykjafell laugardaginn 15. ágúst 2025. 

Mótsstjórar á mótsdag eru Þröstur Þorgeirsson (843-6660) og Gissur Örlygsson (698-3958).

Vinsamlega lesið vel eftirfarandi texta – þetta er handbókin fyrir mótið.

Lágmarksþátttaka

Mótið fer aðeins fram ef að lágmarki 30 keppendur samtals í öllum flokkum hafa skráð sig fyrir sunnudaginn 9. ágúst kl. 23:00. Náist sú þátttaka ekki verður mótinu frestað eða aflýst í samráði við HRÍ og tilkynning birt á vefsíðu HRÍ (sbr. reglur 1.4.5 og 1.5.10). Skráningargjöld verða þá endurgreidd að fullu.

Bílastæði, salerni og geymsla

Vinsamlega leggið bílum við Reykjalund (kort 1 eða kort 2). Biðjum ykkur að virða að óheimilt er að leggja í Skammadal eða koma að rásmarki frá Mosfellsdal.

Salerni eru í grennd við rásmarkið. Hægt er að geyma bakpoka í tjaldi við rásmarkið.

Keppnisgögn

Allir keppendur þurfa að leigja sér flögu fyrir mót: netskraning.is/flogur. Flagan er afhent við rásmark og er fest hægra megin á framgaffalinn.

Kl. 9:00–9:30 fer fram afhending keppnisgagna við rásmark efst í Skammadal (kort). Þar fá keppendur afhenta flögu og keppnisnúmer framan á stýri. Númerið skal fest þannig að ekki sé hætta á að það flettist upp og sé ólæsilegt í endamarki (sbr. reglu 5.1.1).

Rásmark og brautin

Endanleg braut verður tilkynnt með a.m.k. tveggja vikna fyrirvara (sbr. reglu 5.2.2). Slóðin fyrir brautina: strava.com/activities/19437036752

Rásmarkið er efst í Skammadal (kort) og má gera ráð fyrir að vera 5–10 mín. að hjóla þangað frá bílastæðinu við Reykjalund. Einn hringur er 16,5 km með 600 m hækkun.

Brautin er merkt með rauðum flöggum og appelsínugulu spreyi. Það er á ábyrgð keppenda að þekkja brautina og hlaða henni upp á Garmin eða sambærilegt tæki (sbr. reglu 2.3.10). Ekki verða brautarverðir uppi í fjöllunum en við hlið og þar sem möguleiki er á bílaumferð verða brautarverðir. Boðið verður upp á nokkrar brautarskoðanir fyrir keppnina sem auglýstar verða á samfélagsmiðlum.

Keppnisflokkar og rástímar

Keppnisfundur fer fram á rásmarki 3 mínútum fyrir hverja ræsingu. A-flokkur er ræstur sér og kyn eru ekki ræst saman, í samræmi við reglur 3.2.20 B og 3.2.14. U23 er ræstur með Elite í samræmi við reglu 3.2.23 C.

Reynist einstakir flokkar fámennir getur mótshaldari óskað eftir heimild dómara eða mótanefndar HRÍ, með a.m.k. sólarhrings fyrirvara, til að sameina flokka (sbr. reglur 3.2.7 og 3.2.12). Slík breyting yrði tilkynnt keppendum fyrir mót.

Viðgerðasvæði og drykkjarstöð

Í grennd við endamarkið verður eitt afmarkað viðgerðasvæði (sbr. reglur 5.2.6–5.2.7). Viðgerðaraðstoð er einungis leyfð innan þess svæðis.

Við rásmarkið verður drykkjarstöð þar sem boðið verður upp á vatn o.fl. Þar er einnig millitímatökutæki sem keppendur fara yfir.

Reglur

Keppendum ber að kynna sér Keppnisreglur HRÍ fyrir mótið, sér í lagi kafla 5.2: hri.is/upplysingar/log-og-reglur-hri

Engin hringunarregla er í gildi (tilkynnt hér skv. reglu 5.2.9 og verður einnig tilkynnt fyrir ræsingu). Hjálmaskylda er í keppninni og keppendur skulu klæðast viðeigandi hjólreiðafatnaði (sbr. reglu 2.3.2).

ATH. Ef slys verður í braut eru keppendur beðnir um að hringja í 1-1-2 og svo í mótsstjóra, annaðhvort Þröst (843-6660) eða Gissur (698-3958).

Kærur, verðlaunaafhending og veitingar

Kærufrestur vegna atvika í keppni er 30 mínútur eftir að keppandi kemur í mark (sbr. reglu 1.7.2). Úrslit teljast staðfest þegar yfirdómari hefur afgreitt kærur sem berast innan 30 mínútna eftir að síðasti keppandi kemur í mark.

Verðlaunaafhending fer fram í grennd við rásmark eftir að úrslit hafa verið staðfest. Boðið verður upp á veitingar.

Mótanefnd skipa

Gissur Örlygsson · Þröstur Þorgeirsson · Jón Heiðar Hannesson · Björgvin Þorsteinsson · Jóhann Þór Sveinsson