Enduro Haustfagnaður

Upplýsingar

Við hjólum saman stóra "All Mountain-leið" og endum í veglegu lokahófi. Keppt er á stuttum sérleiðum sem eru mest niður.

Keppnislengd

Úrslit er að finna hér Brautin liggur frá Dyrafjöllum, eftir austanverðum Hengli, inn í Þverárdal, uppá Ölkelduháls og niður Reykjadal inn í Hveragerði. Vegalengdin er ca. 25km með 800-900 metra klifri. Gera má ráð fyrir 5-7 tíma ferðalagi fyrir utan lokahóf. Hægt er að fara hálfa leið sem byrjar á Ölkelduhálsi en verðið er það sama. Feril leiðarinnar má nálgast hér: http://www.wikiloc.com/wikiloc/view.do?id=10675047 Sjá einnig heimasíðu www.enduroiceland.com

Hjól

Hjólið verður að vera fjallahjól. Mótsstjórn mun skoða hjól þáttakenda og hefur rétt á að hafna hjólum sem ekki teljast uppfylla það öryggi sem krafist er.

Búnaður

Hlífðarbúnaður * Það er alger hjálmaskilda öllum stundum á meðan hjólað er * Við hvetjum þátttakendur til að nota "fullface" hjálma á sérleiðum * Sterklega er mælt með hönskum og hnéhlífum * Frekari hlífðarbúnaður er af hinu góða

Æfingar og brautarskoðanir

Brautarskoðun mun fara fram þann 10.sept. Lagt af stað frá upphafsstað kl 17:00. Aðeins Hengilshluti leiðarinnar verður farinn til að fólk komist aftur í bílana sína. GPS ferlar liggja fyrir. Meira um brautarskoðun https://www.facebook.com/enduroiceland/posts/1643278669263106:0 http://www.enduroiceland.com/braut--dagskraacute.html http://www.wikiloc.com/wikiloc/view.do?id=10675047

Reglur

Keppnisfyrirkomulagið er Enduro eins og það er skilgreint af samtökum um Enduro fjallahjólakeppnir © Enduro Mountain Bike Assoc™. Ekki er unnt að fylgja opinberu reglunum í öllum atriðum en við munum reyna að heiðra þær í aðalatriðum. Reglur er að finna Á heimasíðu Enduro Ísland http://www.enduroiceland.com/reglur.html

Skilmálar

* Þáttakendur verða að kynna sér reglur keppninnar. http://www.enduroiceland.com/reglur.html * Þátttakendur þurfa að hafa kynnt sér keppnisleiðina og aðstæður. http://www.enduroiceland.com/braut--dagskraacute.html * Það er á ábyrgð þátttakenda að rata og fylgja keppnisleiðinn. * Þátttakendur þurfa að vera með þann hlífðar- og skyldubúnað sem krafist er í reglum. * Þátttakendur gera sér grein fyrir hættum á líkams- og eignatjóni sem fylgir viðburði sem þessum og eru á eigin ábyrgð á viðburðinum og í keppninni sjálfri. * Fjöldatakmörkun gildir. Fyrstur kemur fyrstur fær. Þáttökugjöld fást ekki endurgreidd en sætin eru framseljanleg.