Fréttir

Um helgina fór fram Norðurlandamótið í Ólympískum fjallahjólreiðum(XCO) í Gautaborg, Svíþjóð.

Hausthæfileikabúðir Hjólreiðasambands Íslands í fjallahjólreiðum fara fram á Ísafirði dagana, 4. til 6. september n.k. Líkt og í fyrra verður áherslan á Fjallabrun og Enduro greinarnar.  Um þrjátíu ungmönnum á aldrinum 15 til 22 ára munu verða send boð í hæfileikabúðirnar í ár. Byggir það úrtak á samtali Hjólreiðasambandsins og stjórnum aðildarfélaga Hjólreiðasambandsins. 

Í dag eru þær Bríet Kristý Gunnarsdóttir, Hafdís Sigurðardóttir og Júlía Oddsdóttir á leið til Lúxemborg þar sem þær munu taka þátt í tveggja daga götuhjólakeppni þar er nefnist - Festival Elsy Jacobs. Keppnin flokkast sem 'UCI Women Elite 1.1', en þar munu þær keppa í sameiginlegu liði ásamt landsliðskonum frá Lúxemborg. 

*Uppfærð frétt* Landsliðs- og afreksnefnd Hjólreiðasambands Íslands boðar til hæfileikabúða fyrir efnilegasta hjólreiðafólk landsins í götuhjólreiðum. Gengið hefur verið frá leigu á Vindáshlíð í Kjós dagana 22. til 24. maí n.k. Svipað snið verður á þessum hæfileikabúðum og þeim sem voru í Reykjadal, Mosfellsdal vorin 2023 og 2024 nema að þessu sinni verður fókusinn aðeins á götuhjóla fólkið okkar. 

Fyrstu drög mótaskrár fyrir sumarið 2026 frá Mótanefnd HRÍ eru hér komin, með fyrirvara um hugsanlegar breytingar á mótum og tímasetningum. Einnig vantar hér dagskrá CX móta n.k. haust. Dagskrá uppfærð 11. maí.  

Þann 8. mars n.k. mun landslið okkar í Enduro og Downhill leggja leið sína til Malaga á Spáni í sinni fyrstu árlegu undirbúnings æfingaferð fyrir komandi keppnistímabil.

Hjólreiðasamband Íslands boðaði til Hjólreiðaþings sunnudaginn 1. mars 2026 s.l. í fundarsal ÍSÍ Engjavegi 6. Fundurinn fór vel fram og var mæting mjög góð. Ákveðið var að streyma fundinum fyrir þá sem ekki komust. Farið var yfir skýrslu stjórnar og ársreikning auk þess sem fjárhagsáætlun fyrir árið 2026 var lögð fram. Willum Þór Þórsson, forseti ÍSÍ ávarpaði fundinn og bar hann fundinum þakkir framkvæmdastjórnar og starfsfólks ÍSÍ fyrir samstarfið á árinu og okkar framlag til íþrótta og lýðheilsu og iðkenda í afreksíþróttum í þágu þjóðar. Willum leggur áherslu á mikilvægi þess að koma á framfæri þökkum til þeirra sem legga íþróttum á landinu liðs. Til framboðs til þriggja sæta í stjórn til tveggja ára voru þau Sól Snorradóttir, Helga Lísa Kvara, Elías Leví Elíasson og Ragnar Adolf Árnason. Eftir kosningu milli þeirra fjögurra voru þau Helga Lísa, Ragnar og Sól lýst réttkjörin í stjórn Hjólreiðasambandins.

Landsliðsúrval HRÍ í götuhjólreiðum fór í vel heppnaða æfingaferð til Costa Blanca strandarinnar á Spáni dagana 27. janúar til 3. febrúar s.l.. 

Við bendum á að opið er fyrir skil á starfsskýrslum í skilakerfi ÍSÍ og UMFÍ.

Seinasta laugardag, 14. febrúar fór fram þriðja formlega Íslandsmótið í e-hjólreiðum. Eins og seinustu ár fór keppnin fram í Zwift heimum. Líkt og í hinunm tveim bikarmótum vetrarins voru A og B hóparnir ræstir samtímis og hjóluðu sömu vegalengd. Í þetta sinn var hjóluð leiðin “Stay Puft Pursuit" í Zwift, samtals um 32 km. með um 416 metra hækkun bæði í kvenna og karlaflokki. Úrslitin voru þau að Íslandsmeistarar í e-hjólreiðum árið 2026 voru þau sömu og í fyrra, þau Ingvar Ómarsson (Breiðablik) í karlaflokki og Bríet Kristý Gunnardóttir (Tindi) í kvennaflokki!