Drangeyjarmótið

Þið sem takið myndir í kvöld, endilega notið #hjolakeppni þegar þið póstið myndum. 

Hjólreiðafélagið Drangey heldur 2. stigamótið í götuhjólreiðum (RR) sem fram fer í Skagafirði laugardaginn 4. júlí 2020 og fer fyrsta ræsing fram kl. 19:00 í HRÍ-flokkunum. Almenningsflokkur ræsir frá Varmahlíð kl. 9:00 um morguninn og endar í Varmahlíð. 

---

A-flokkur karla, A-flokkur kvenna og Masters karlar hjóla 124 km frá Sauðárkróki, suður að Varmahlíð yfir í Blönduhlíð, norður að Hofsósi og hjólað í gegnum bæinn til baka að Sauðárkróki og upp að skíðalyftu þar sem endamarkið er. A-flokkur karla er ræstur sér. A-flokkur kvenna ræsir 2 mín. síðar ásamt Masters körlum ef þær eru færri en 15. Ræsing kl. 19:00 og 19:02.

Næst ræsa B-flokkur karla, Junior karlar og U17 karlar. Síðan konur saman í Masters-flokki, B-flokki, Junior og U17. Þessir flokkar hjóla um það bil 82 km frá Sauðárkróki, suður að Varmahlíð yfir í Blönduhlíð, vestur yfir að Sauðárkróki og upp að skíðalyftu þar sem endamarkið er. Ræsing kl. 19:10. Konur og karlar verða ekki ræst saman og hjóla ekki saman. 

Ítarlegar leiðbeiningar og upplýsingar um leiðir og annað hagnýtt eru í keppnishandbók. 

Fylgdarbílar eru leyfðir og skal tilkynna um þá með tölvupósti fyrir miðnætti föstudagskvöldið 3. júlí á netfangið maria.saem@simnet.is.

Keppnisgögn verða afhent í Húsi frítímans á Sauðárkróki föstudaginn 3. júlí kl. 18-20 og laugardaginn 4. júlí kl. 15-18.

---

Athugið að aksturstími frá Kópavogi til Sauðárkróks um Þverárfjall er um það bil 3 klst. og 17 mín. 

---

Keppnisgjald var 4.000 kr. en hækkaði frá kl. 20:00 fimmtudaginn 2. júlí í 8.000 kr.

Skráningu lýkur föstudaginn 3. júlí kl. 23:59. 

Keppendur skulu greiða með millifærslu á reikning Hjólreiðafélagsins Drangeyjar 0349-03-400097, kt. 540509-1230 og senda póst á habbi@orginalinn.is. Rásnúmer verða ekki afhent nema keppnisgjald hafi verið greitt. Ekki verður tekið við greiðslu keppnisgjalda á keppnisstað. 

Verðlaunaafhending er áætluð upp úr kl. 23:30. Sundlaugin verður opin fyrir keppendur kl. 23-01. 

--- 

Fjölbreytt úrval gistiaðstöðu er á Airbnb um allan Skagafjörð og á Hólum. Auk þess er fjöldi veitingastaða og önnur afþreying í boði. Enginn má láta sýninguna hjá 1238: Baráttan um Ísland framhjá sér fara né heldur veitingarnar á Grána bistro (sagan segir að þar fáist bestu pizzurnar í Skagafirði). 

--- 

Vinsamlega hafið samband við keppnisstjóra varðandi frekari fyrirspurnir (maria.saem@simnet.is). 

---

Boðið verður upp á almenningsflokk karla og kvenna. Ræsing verður í Varmahlíð og farið yfir í Blönduhlíð, vestur yfir að Sauðárkróki og suður aftur að Varmahlið. Keppnisgjald í almenningsflokk er 3.000 kr. 
ATH. Ræsing í almenningsflokk verður á laugardagsmorgni kl. 9:00. Mæting í Varmahlíð kl. 8:30. Verðlaunaafhending í almenningsflokki verður í sundlauginni í Varmahlíð kl. 12:00.