Fjallabrun Greifans

Fjallabrun Greifans

Skráning hér: https://netskraning.is/dh-hlidarfjall/

Hjólreiðafélag Akureyrar býður upp á fjórða bikarmót sumarsins í Fjallabruni í Hlíðarfjalli þann 10. september 2023. Keppt er samkvæmt stigakerfi ÍSÍ og HRÍ til bikarmeistara. Til að keppa til stiga er nauðsynlegt að vera meðlimur í aðildarfélagi HRÍ. Sjá hér: http://hri.is/upplysingar/keppnisreglur-hri

ATH að það eru komnar nýjar reglur hjá HRÍ varðandi tímatökubúnað, sjá frétt hér: https://hri.is/frettir/leiga-timatokuflaga

Mæting við Strýtuskála í Hlíðarfjalli. 

Ræsing kl. 13:00.

Braut lokar kl. 12:30.

Afhending gagna kl. 11-12 á mótsdegi.

Keppendur undir 18 ára eru alfarið á ábyrgð foreldra/forráðamanna. Gögn verða ekki afhent keppanda yngri en 18 ára nema ábyrgðaraðili sé til staðar.

Keppt verður í “Gömlu downhill brautinni” sem er sunnan við læk. Einhverjar breytingar hafa átt sér stað frá því í fyrra og mikilvægt að kynna sér þær breytingar áður en keppt er í leiðinni. Helstu breytingar eru í kringum miðja leið. Fyrra “spýtu-droppið” hefur verið lengt til muna en seinna droppinu var slaufað og byggður þar 7 metra pallur í staðinn. Stórvægilegar breytingar hafa einnig átt sér stað við enda leiðarinnar rétt áður en hún rennur saman við Downhill brautina. 

Í brautinni eru stökkpallar, brýr, drop, gap-jumps og fleiri hindranir sem geta verið hættulegar. Flestar hindranir eru þannig að hjáleið er í boði eða hægt er að rúlla þær.
 

Mikilvægt er að kynna sér brautina vel áður en keppt er í henni þar sem hún er margslungin og breytileg í línuvali og hraða. 

Keppendur þurfa að meta sína eigin getu til að takast á við þessar hindranir og taka meðvitaða ákvörðun um að taka hjáleið ef hindranir eru yfir getu þeirra.

Ræst verður sunnan og ofan við efra lyftuhús Fjarkans. Nokkur hundruð metra gangur er að rásstað frá efra lyftuhúsi. Flokkur U11 ræsir á öðrum stað en aðrir flokkar, neðar í brautinni.

Athuga sérstaklega Keppnisreglur HRÍ, kafli 5.3.

Búnaður:

Samkvæmt keppnisreglum HRÍ skal nota hjálm sem ver allt andlit (full-face) bæði í keppni og við æfingar. Hjálmurinn verður að vera með skyggni. Opnir hjálmar án kjálkahlífar eru bannaðir. Einnig skal vera með augnhlífar (gogglur eða hlífðargleraugu). Foreldrar og forráðamenn yngri keppenda bera ábyrð á að búnaður keppenda sé samkvæmt reglum. Mótshaldari mun ganga úr skugga um að keppendur séu með viðeigandi búnað í starti, ef búnaður er ekki til staðar fær keppandi ekki að ræsa. Sérstaklega er mælt með eftirfarandi aukahlífðarbúnaði:

A. Bak-, Olnboga-, hné- og axlahlífum úr stífum efnum.

B. Vörn fyrir háls og hryggjarliði.

C. Vörn fyrir sköflunga og læri.

D. Víðum buxum úr rifvörðu efni með innbyggðum hlífum fyrir hné og kálfa, eða stuttbuxum úr rifvörðu efni ásamt hné og kálfahlífum.

E. Síðerma treyju.

F. Hönskum.

Brautarskoðun verður ekki formleg. Brautin verður tilbúin fimmtudaginn 7. september. Við biðjum við keppendur að skoða brautina vel áður en keppt er og nota góðan hlífðarbúnað.

Lyftukort eru ekki í keppnisgjaldi en nauðsynlegt er að komast upp í efri brautir Hlíðarfjalls í mótinu, hvort sem það er með lyftu, hjólandi eða gangandi. Vegurinn er ekki opinn fyrir vélknúin farartæki. 

Tilboð til keppenda á lyftukortum: 

Helgarpassi fyrir keppendur fim-sun:

- Fullorðnir: 8.580kr.

- Börn 2.870 kr. 

Stök ferð:

- Fullorðnir 1.145 kr.

- Börn 590 kr.

Kortin eru keypt í lyftuhúsi. Hvetjum fólk til að kaupa passa eða ferðir tímanlega til að koma í veg fyrir raðir.