bikarmót hfa og útisport

Bikarmót HFA og Útisport í tímatöku

Ráslisti

Hjólreiðafélag Akureyrar í samstarfi við Útisport býður upp á þriðja bikarmót í tímatöku sem haldið verður í Eyjafjarðarsveit þann 25. júlí 2025.

Mótsstjóri er Jóhann Heiðar Friðriksson.

Rásmark og endamark er við Botnsreit, eða um það bil 1,5 km suður inn fjörðinn frá Hrafnagilshverfi. Allir flokkar ræsa og enda á sama stað en það eru mismunandi snúningspunktar. Vinsamlegast kynnið ykkur vel rétta snúningspunkta fyrir ykkar flokk.

Leiðina má sjá hér - https://www.strava.com/routes/3090605563189742710?fbclid=IwAR0PPdlcVTMcA4YIlAcwpFqHE59GytT8YGULjhjdpUKqVhwu-PsLoxoSxEo

Vegalengdirnar eru eftirfarandi:

A-flokkur KK og KVK

28 km. Hjólað er til suðurs frá Botnsreit og snúið er við Smámunasafnið og haldið til baka sömu leið til norðurs.

B-flokkar og Junior KK og KVK 

20 km. Snúningspunktur er við Melgerðismela. 

C-flokkur, U17 og U15 KK og KVK

15 km. Snúningspunktur er við bæinnTorfur, rétt eftir einbreiða brú nr. 2. 

U11 og U13 KK og KVK

9 km. Snúningspunktur er við afleggjarann að Möðrufelli. 

Keppnisgögn verða afhent í Íþróttamiðstöðinni í Hrafnagilshverfi kl. 17:00 og þar verður hægt að nýta salernisaðstöðu. Verðlaunaafhending fer fram á sama stað að keppni lokinni.

Bílastæði eru við Íþróttamiðstöðina í Eyjafjarðarsveit og við Dalborg. Keppendur hjóla þaðan að rásmarki. Ekki er leyfilegt að leggja bifreiðum á afleggjurum að bæjum, innkeyrslum, útskotum eða öðru slíku. 

Tímatökuflögur verða afhentar við marksvæði, nánari upplýsingar við afhendingu gagna. Vinsamlegast kynnið ykkur nýtt fyrirkomulag varðandi keppnisflögur. Sjá nánar hér: frétt frá HRÍ. Ef þú hefur ekki pantað keppnisflögu þá er hægt að gera það hér. Þeir sem hafa nú þegar fengið keppnisflögur afhentar þurfa að gefa sér tíma og athuga með virkni keppnisflögunar og athuga hvort skráning sé í lagi þegar komið er á mótsstað.