Suðurstrandarvegurinn Íslandsmót 2018

Upplýsingar

Íslandsmeistaramót í götuhjólreiðum (e. Road Race) – hópstart – verður haldið sunnudaginn 24. júní 2018, kl. 9:00. Rásmark og endamark er í Grindavík. Elite flokkur karla og U23 flokkur karla hjóla frá Grindavík austur Suðurstrandaveg (427) að Þorlákshafnarvegi, snúa þar við á hringtorgi og hjóla sömu leið til baka, eða Suðurstrandaveg (427), en beygja í bakaleiðinni upp Krýsuvíkurveg (42), sem verður lokaður milli kl. 11:00-12:30, og snúa við á keilu við malbiksenda, og beygja til hægri á Suðurstrandarvegi (427) og hjóla til Grindavíkur þar sem markið er. Elite flokkur kvenna, U23 flokkur kvenna og junior karla hjólar sömu leið en taka ekki slaufuna upp Krýsuvíkurveg. Junior flokkur kvenna hjólar einnig sömu leið en snýr við á keilu við Krýsuvíkurafleggjara. Karla-, kvenna- og unglingaflokkar verða ræstir með 2 mínútna millibili. Óheimilt er að nýta sér kjölsog af keppendum milli flokka. Fylgdarbílar eru leyfðir. Þeir skulu í einu og öllu lúta tilmælum keppnisstjóra. Síðustu 20 km eru fylgdarbílar ekki lengur leyfilegir í brautinni og skulu þeir keyra beint í mark án frekari afskipta af keppendum. Endamark verður framan við íþróttamiðstöðina í Grindavík. Keppnisnúmer og flögur verða afhentar í Víkinni (Félagheimili Víkings) milli kl. 12:00 og 16:00 daginn fyrir keppnisdag.

Vegalengdir 

smellið á vegalengdir til að fá kort

Karlar
Elite og U23.             141 km
junior                         113 km

U17 og U15                    46km

Konur
Elite og U23              113 km
junior                         43 km

U17 og U15                    46km
 

Reglur

Sjá grein 7.1 í keppnisreglum HRÍ.

Skilmálar

Keppendur eru alfarið á eigin ábyrgð. Hjálmaskylda er í keppninni. Almennar umferðarreglur gilda. Keppendur án flögu eða með flögu vitlaust festa fá ekki tíma. Keppendur verða að hafa gengið frá greiðslu keppnisgjalda fyrir laugardaginn 23. júní, annars munu þeir ekki fá afhent rásnúmer. Ekki verður tekið við greiðslu keppnisgjalda á keppnisstað. Keppendur hafa með skráningu samþykkt reglur mótsins.

ATH! keppnisgjaldið hækkar í 8000 kr á miðnætti þriðjudaginn 19. júní og skráningu verður lokað á miðnætti þann 21.júní