Þann 8. mars n.k. mun landslið okkar í Enduro og Downhill leggja leið sína til Malaga á Spáni í sinni fyrstu árlegu undirbúnings æfingaferð fyrir komandi keppnistímabil.

Þeir sem valdir hafa verið í þessa ferð eru þeir:
Adam Birgisson, Alfonso Cervera, Börkur Smári Kristinsson, Brynar Friðriksson, Jóhann Elíasson, Jökull Kristjánsson, Jónas Stefánsson og Þórir Bjarni Traustason.
Hópurinn verður í fylgd með landsliðsþjálfaranum Conor Campbell og eiga fyrir höndum krefjandi viku af æfingum þar sem þeir undirbúa sig fyrir keppnisárið.

Aðalmarkmið ferðarinnar er að ná eins miklum tíma og mikið hjólatímaálag, og býður Malaga upp á frábæra möguleika til að fara endurtekið niður heimsklassa DH- og enduro-brautir. Unnið verður að ákveðnum tækniatriðum ásamt því að leggja áherslu á andlegan undirbúning sem nauðsynlegur er fyrir alþjóðlegar keppnir í fjallahjólreiðum.