Aðrar hæfileikabúðir Hjólreiðasambands Íslands á þessu ári fara fram á Ísafirði næstu helgi.
 

Næstum þrjátíu ungmönnum á aldrinum 15 til 22 ára fengu boð í haust hæfileikabúðir HRÍ að þessu sinni. 
Líkt og seinasta haust verða búðirnar með áherslu á Fjallabrun og Enduro. Byggir úrtakið á þeim sem fengu boð um þátttöku á samtali við aðildafélög Hjólreiðasambandsins. 

Hjólreiðadeild Íþróttafélagsins Vestra hefur skipulag búðanna á sinni könnu að þessu sinni. Dvalið verður í Skíðaskálanum í Tungudal.

Þátttakendur eiga von á þremur spennandi dögum sem innihalda fjórar góðar æfingar á hjólunum sem og annarri fræðslu og skemmtilegheitum.

Æfingarnar verða undir leiðsögn landsliðsþjálfara Íslands í hjólreiðum honum Conor Campbell.