Hausthæfileikabúðir Hjólreiðasambands Íslands í fjallahjólreiðum fara fram á Ísafirði dagana, 4. til 6. september n.k. Líkt og í fyrra verður áherslan á Fjallabrun og Enduro greinarnar. 

Um þrjátíu ungmönnum á aldrinum 15 til 22 ára munu verða send boð í hæfileikabúðirnar í ár. Byggir það úrtak á samtali Hjólreiðasambandsins og stjórnum aðildarfélaga Hjólreiðasambandsins. 

Hjólreiðadeild Íþróttafélagsins Vestra hefur tekið að sér utanumhald á þessum hæfileikabúðum að þessu sinni. Dvalið verður í Skíðaskólanum í Tungudal.

Þátttakendur eiga von á þremur spennandi dögum sem innihalda fjórar langar æfingar á hjólunum sem og annarri fræðslu og fyrirlestrum. Æfingarnar verða undir leiðsögn landsliðsþjálfara Íslands í hjólreiðum sem og aðalþjálfara Hjólreiðadeildar Vestra.

Frekari upplýsingar um skipulag eða fyrirkomulag búða liggja ekki fyrir í dag.