Íslandsmótið í Maraþonfjallahjólreiðum (XCM) fór fram í Mosfellsbæ í gær. Að þessu sinni fór það fram í hinu árlega almenningsmóti Aftureldingar, Fellahringnum.

Fyrirkomulagið var þannig að keppendur um Íslandsmeistaratitilinn fóru tvo stóra Fellahringnum og svo einn lítinn. Vegaleng dagsins var því samtals um 70 km. og heildar hækkun í keppnisbraut um 830 metrar.

Sigurvegarar í Elíte flokkum voru þau Bríet Kristý Gunnarsdóttir og Kristinn Jónsson. Bríet náði þar með að verja titilinn sinn enn aftur og hefur þá sigrað þessa keppni nú fjögur ár í röð. En hjá Kristni var þetta hans annar titill eftir að hann sigraði fyrst á Hólmsheiðinni árið 2023.

Í öðru sæti í flokki kvenna var Rakel Logadóttir og í þriðja Björg Hákonardóttir. Í karla flokki var Ingvar Ómarsson í öðru sæti og í því þriðja var svo hinn 19 ára gamli Baldur Þorkelsson.

Fellahringurinn sem hefur verið haldinn í fjölda ára af Hjóladeild Aftureldingar og er hluti að bæjarhátíð Mosfellsbæjar. Samtals að öllum meðtöldum voru 165 hjólarar skráðir til leiks í allar keppnir gærdags, af þeim voru 89 sem kepptu á Rafhjólaflokkum en 76 á "venjulegum" hjólum. Gríðarlega gaman var að sjá svo mikið af fólki í hjólakeppni hér á landi og ber að þakka Aftureldingu fyrir þeirra þátt og utanumhald þessara keppni og að hýsa Íslandsmeistaramótið að þessu sinni.

Úrslit dagins voru þessi:

A-flokkur Karla

1. Kristinn Jónsson - Team Give Steel
2. Ingvar Ómarsson - Breiðablik
3. Baldur Þorkelsson - HFR

A-flokkur Konur

1. Bríet Kristý Gunnarsdóttir - Tindur
2. Rakel Logadóttir - Tindur
3. Björg Hákonardóttir - Breiðablik

U23-flokkur Karlar
1. Baldur Þorkelsson - HFR
2. Einar Valur Bjarnason - HFR

Öll úrslit dagsins í öllum flokkum má sjá á Tímataka.net