Davíð Jónsson var einn Íslendinga til að taka þátt í heimsmeistarakeppninni í götuhjólreiðum í ár. Keppti hann í U23 flokki, en þetta er í seinasta árið hans í þeim aldursflokki þar sem hann verður 23. ára á næsta ári og því ekki gjaldgengur í þeim flokki.

Á mánudeginum fór fram keppni í tímatökunni. Þar hafnaði Davíð í 32 sæti af þeim 72 keppendum sem voru skráðir til leiks. Kom hann í mark um 2 mínútum o g 45 sekúndum á eftir sigurvegara dagsins og fór keppnisbrautina (31,3 km. hringur) á næstum 47 km/h meðalhraða.

Í gær fór svo götuhjólakeppnin fram í keppnisbraut þar sem samtals 13 hringir voru á dagskrá, samtals 174 km. Davíð náði að ljúka níú heilum hringjum áður en honum var vísað úr braut. En aðeins 96 keppendur af 176 náðu, eða fengu að klára alla hringina í keppni dagsins.