Í dag var keppt í tímatöku í öllum flokkum, en einfalt keppnis fyrirkomulag gerði daginn þægilegan fyrir alla.

Brautin var einn, mjög kunnuglegur hringur, 22km langur og þannig með einu löngu klifri og einni langri siglingu niður hinum megin.

Ísland var í dag með fjóra þátttakendur í fjórum flokkum:
- Sólon Kári Sölvason - Junior karla
- Davíð Jónsson - U23 karla
- Bríet Kristý Gunnarsdóttir - Elite kvenna
- Kristinn Jónsson - Elite karla

Veðrið var nokkuð þægilegt í dag, léttskýjað að mestu en þó heitt og kannski ekki endilega um kjör aðstæður fyrir Íslendinginn.

Þar sem nokkrir af okkar keppendum voru búinir með sínar keppnir gátu keppendur dagsins fengið alla þá aðstoð sem í boði var. Má segja að dagurinn hafi gengið nokkuð vel og öll gerðu sitt allra besta í brautinni, og kláruðu gott stórmót með glæsibrag.

Úrslit voru þessi

Sólon - 62.sæti
Davíð - 22.sæti
Bríet - 22.sæti
Kristinn - 40.sæti

Meginmarkmið svona ferðar er að safna reynslu og halda sýnileika fyrir okkar lítlu þjóð. Við náum okkar markmiðum og erum sátt við afrekin.