Smávægilegar breytingar hafa verið gerðar á keppnisreglum HRÍ eftir að breytingatillögur bárust frá aðildarfélögum og Mótanefnd HRÍ.

Uppfærðar reglur má finna hér:
Keppnisreglur HRÍ 2021 - Uppfærðar 3. júní

Breytingar eru merktar með rauðu letri í skjalinu, en þær eru eftirfarandi.

Breyting á grein 2.2.5

Var áður:
2.2.5 Til að geta talist bikarmeistari verður að ná stigum úr þremur keppnum að lágmarki. Ef tveir hjólreiðamenn eru jafnir að stigum eftir öll mót telst sá sigurvegari sem oftar er í fyrsta sæti, ef enn er jafnt þá sá sem er oftar í öðru sæti o.s.frv. Ef keppendur eru enn jafnir þá mun sá hjólreiðamaður sem var ofar í síðustu keppni ársins verða bikarmeistari

Er nú:
2.2.5 Til að geta talist bikarmeistari verður að taka þátt í þremur keppnum að lágmarki. Ef tveir hjólreiðamenn eru jafnir að stigum eftir öll mót telst sá sigurvegari sem oftar er í fyrsta sæti, ef enn er jafnt þá sá sem er oftar í öðru sæti o.s.frv. Ef keppendur eru enn jafnir þá mun sá hjólreiðamaður sem var ofar í síðustu keppni ársins verða bikarmeistari

Breyting á grein 3.3.4

Hámarksvegalengdir í U17 flokkum hafa verið hækkaðar til samræmis við nágrannaþjóðir.

Hámarksvegalengd í Götuhjólreiðum var 45km og er nú 80km.

Hámarksvegalengd í Tímatöku var 15km og er nú 20km.