Í gærkvöld var mikið um dýrðir í Hörpunni þar sem í sameiginlegu hófi ÍSÍ og Samtaka íþróttafréttamanna var lýst yfir kjöri íþróttamanns ársins ásamt því að veittar voru viðurkenningar til íþróttafólks innan allra íþróttasambanda ÍSÍ.

Hjólreiðafólk ársins þau Hafdís Sigurðsdóttir og Davíð Jónsson fengu viðurkenningu frá ÍSÍ.

Lyftingakonan Eygló Fanndal Sturludóttir var valin íþróttamaður ársins 2025. Sannarlega frábært ár hjá henni í ár og sannarlega verðskuldað.

Þjálfari ársins var valinn Ágúst Þór Jóhannsson hjá kvennaliði Vals í handknattleik og Lið ársins var kvennalið Vals í handknattleik.   

HRÍ óskar þeim innilega til hamingju.