Í dag fór fram keppni í Evrópumótinu í götuhjólreiðum í Elíte flokki kvenna hér í Limburg, Belgíu. Fyrir Íslands hönd tóku þátt þær Silja Jóhannesdóttir, Hafdís Sigurðardóttir og Bríet Kristý Gunnarsdóttir.

Hjóluð var nákvæmlega sama leið og U23 flokkarnir í gær. Eftir liðskynningar var raðað sér á startlínuna fyrir utan Hjólreiðahöllina í Heusden-Zolder.

Samtals voru 100 hjólreiðakonur skráðar til leiks í dag. Aðeins 74 var leyft að klára og hjóla í mark. Allar okkar stelpur voru stoppaðar í braut þegar þær fóru að dragast aftur úr stóra hópnum. Allar geta þær vel við unað og verið stolltar af frammistöðu sinni í dag, þar sem þær voru ekki fjarri því að ná að hanga í stóra keppnishópnum og hjóla í mark.
Meðalhraði fyrsta hóps í keppninni í dag voru rúmir 41 km./klst.

Á morgun er svo komið að keppni í Elíte flokki karla. Þar sem Kristinn Jónsson er skráður til leiks.

Sýnt er frá keppninni í beinu streymi á Eurosport.
Keppnin hefst klukkan 12:30 að staðartíma.