Á Evrópumótinu í Götuhjólreiðum í Drenthe í Hollandi í dag fór fram tímatöku keppnin. Hjólaður var hringur sem hófst og endaði í borginni Emmen.

Allir okkar keppendur utan Eyþór tóku þátt.

Úrslitin má sjá á heimasíðu keppninnar.

Bergdís Eva Sveinsdóttir og Davíð Jónsson tóku þátt í U23 flokknum. Bergdís endaði í 35. sæti af 35, á meðan Davíð endaði í 31. sæti af 38.

Í Elite flokknum tóku þau Kristín Edda Sveinsdóttir, Hafdís Sigurðardóttir og Ingvar Ómarsson þátt.
Kristín endaði í 30. sæti á meðan Hafdís endaði í 27. sæti af 30 keppendum. Ingvar endaði í 28. sæti af 32 sem kláruðu karlakeppnina.

Á morgun mun hópurinn kíkja á keppnisbrautina sem farin verður í götuhjólakeppninni. Strax á föstudag er nefnilega komið að keppni í U23 flokknum, en þar munu þau Bergdís Eva Sveinsdóttir,
Davíð Jónsson og Eyþór Eiríksson taka þátt.