Ingvar Ómarsson í Tindi og Margrét Pálsdóttir HFR stóðu uppi sem sigurvegarar í 1. umferð Kríu CrossBollans sem fór fram í Ártúnsbrekku síðastliðinn laugardag. Hafsteinn Ægir Geirsson HFR varð annar og Óskar ÓmarssonTindi þriðji . Í kvennaflokki varð Kristín Edda Sveinsdóttir HFR önnur og Guðrún Sigurðardóttir HFR þriðja. 

Aðstæður til keppni í Ártúnsbrekku voru með besta móti og lék veðrið við keppendur sem voru um 50 talsins. Aldrei áður hafa jafn margir þátttakendur verið í Cyclocrossmóti á Íslandi og ljóst að greinin nýtur vaxandi vinsælda.

Næsta mót verður haldið 1. nóvember í Leirdal í Grafarholti og mun HFR sjá um það mót en mótaröðin er samstarfsverkefni HFR, Tinds og Kríu. Þegar er búið að opna fyrir skráningu í mótið hér á hjólamót.is