Fjórða heimsmeistaramótið í malarhjólreiðum fer fram í Suður-Limburg í Hollandi dagana 11.og 12. október 2025 n.k. Er þetta í annað skipti sem við sendum Elite keppendur í þessa keppni, en í fyrra fóru þau Ingvar og Hafdís út til Belgíu.

Í ár mæta þau Ingvar og Hafdís aftur til keppni en nú sem Íslandsmeistarar. Íslensku þátttakendurnir í Elite flokki í ár eru þau:

Björg Hákonardóttir
Sóley Kjerúlf Svansdóttir
Hafdís Sigurðardóttir
Eyjólfur Guðgeirsson
Ingvar Ómarsson
Davíð Jónsson

Kvenna keppnin fer fram á laugardeginum en karla keppnin svo daginn eftir. Keppnin hefst í Beek og lýkur í Maastricht. 

Karlarnir munu hjóla samtals 181 km. með 1,460 m. hækkun á meðan konurnar byrja og enda einnig í Beek og Maastricht en fara einum hring færra inni í braut. Samtals fara þær 131,5 km. með 1,064 m. hækkun.

Hér má sjá frekari upplýsingar í tæknihandbók keppninnar.
Heimasíða keppninnar má svo finna hér.