Samkvæmt nýrri auglýsingu frá Heilbrigðisráðuneytinu sem sjá má hér er íþróttastarf heimilt með ákveðnum skilyrðum (6. Grein) Stjórn HRÍ er að vinna með ÍSÍ og sóttvarnarlækni að setja reglur sem gilda í þeim hjólreiðamótum sem á dagskrá eru.

Þær reglur verða kynntar um leið og þær hafa verið samþykktar af ÍSÍ og sóttvarnarlækni.

Eftirtaldar breytingar eru á Mótaskrá:

• Samskipamótið, 4. stigamót í götuhjólreiðum sem fram átti að fara fram 8. ágúst en var frestað verður haldið þann 5. september.
• Criterium, 6. Stigamót sem átti að fara fram 4. ágúst er fellt niður. Ekki verður bætt við öðru móti og styttist mótaröðin því um eitt mót.
• Tímataka (5. stigamót) sem var á dagskrá 5. september víkur fyrir 4. Stigamóti Götuhjólreiða. Ekki verður bætt við öðru TT móti en mun Íslandsmót einnig gilda til stiga til að hægt sé að halda fyrirfram ákveðnum fjölda stigamota í Timatöku.
• Íslandsmót í Fjallahjólreiðum (XCM) sem aflýst var vegna veðurs 18. júlí verður haldið þann 30. ágúst. Keppt verður í braut á höfuðborgarsvæðinu. Nánari upplýsingar eru væntanlegar von bráðar.

Önnur mót á mótaskrá verða haldin ef ástandið helst óbreytt nema annað sé sérstaklega tekið fram.

Við viljum vekja athygli á að Íslandsmót í Tímatöku er á dagskrá 19. ágúst og Íslandsmót í liðstímatöku (TTT) verður daginn eftir, 20. ágúst. Við bendum á að fyrir íslandsmót í TT þurfa öll hjól að uppfylla UCI staðla um tímatökuhjól og verða hjólin skoðuð með það í huga fyrir mót