HFR býður til fjallahjólakeppni þriðjudaginn 2. september kl. 19. Keppt verður í frábærri braut í Grafarholti sem hentar öllum áhugasömum fjallahjólamönnum vel. Stórskemmtilegir vinningar í boði.

Ræsing fer fram kl. 19.00 við æfingasvæði Fram í Leirdal í Grafarholti. Þar er góð aðstaða með salernum og næg bílastæði. Ekið er inn Þorláksgeisla í Grafarholti.

Sigurvegarar í öllum flokkum fá gjafabréf frá Hamborgarabúllu Tómasar við Geirsgötu. Allir þátttakendur fá ís frá Kjörís í mótslok og margt fleira. Í lok keppni munum við svo draga út fullt af skemmtilegum og veglegum vinningum.

Einnig verða sérstök 26” baráttuverðlaun veitt fyrir þann keppenda sem nær bestum árangri á 26" hjóli.

Hér má sjá brautina á strava. http://www.strava.com/segments/7827199

Keppt verður í þremur flokkum karla og kvenna, 16 ára og yngri, 39 ára og yngri og 40 ára og eldri. Miðað er við fæðingarár. A flokkur karla hjólar 3 hringi en B flokkur karla, kvennaflokkur og unglingar hjóla 2 hringi. 

Keppnisgjald er aðeins 1.500kr. 

Næsta brautarskoðun er sunnudaginn 31. ágúst kl. 10:15. Farið verður frá húsinu í botni Þorláksgeisla í Leirdal.