Nú hafa samtals 61 einstaklingar lokið fyrsta þrepi þjálfunar námskeiðs Alþjóða hjólreiðasambandsins (UCI) síðan við hófum fyrst milligöngu um að halda slíkt námskeið frá haustinu 2021.

Af þessum 61 einstaklingum hafa svo 6 að auki klárað annað þrep þjálfunar námskeiðs UCI (af þrem).

Til að fjölga þeim aðilum útskrifaðra af öðru þrepi námskeiðsins eru áform um að fá þjálfara frá UCI hingað til lands nú í vor til að halda eitt eða tvö slík námskeið, þ.e. annarsvegar götuhjóla- og svo fjallahjólanámskeið.

Eru þetta jákvæðar fréttir þar sem fjölgun menntaðra þjálfara mun ávallt koma til með að auka gæði þjálfunar og þannig, þegar til langs tíma er litið, skila betra íþróttafólki innan greinarinnar.