Þrjú ungmenni á leið í Road Talent Identification Camp í Sviss.

Þær Bergdís Eva Sveinsdóttir (HFR), Elín Kolfinna Árnadóttir og Natalía Erla Cassata (báðar úr Breiðablik) fara í æfingabúðir mánudaginn 6. desember n.k. í Aigle í Sviss.

Þessar æfingabúðir eða öllu frekar afreksbúðir fara fram dagana 6.–10. desember og bera nafnið Road Talent Identification Camp.

Markmið þeirra er að meta stöðu stelpnanna á alþjóðavettvangi og ef allt fer að óskum stendur til að bjóða þeim svo í aðrar æfingabúðir næsta vor til undirbúnings þátttöku á smáþjóðaleikunum á Möltu.

Búðirnar fara fram í World Cycling Centre (WCC) en þar er hjólreiðahöll (velodrome) og höfuðstöðvar alþjóðahjólreiðasambandsins - UCI.