Á Heimsmeistaramótinu í hjólreiðum í Skotlandi í dag tóku tveir Íslendingar þátt í tímatöku keppni í sínum flokkum.

Arna Sigríður Albertsdóttir hjólaði 17 km. leið í Para-Cycling í Dumfries og endaði hún í 13 sæti af 15 þátttakendum í hennar flokki.
Sjá úrslitin hér.

Einnig tók Íslandsmeistarinn í tímatöku, Davíð Jónsson þátt í U-23 flokki. Hann hjólaði 36,2 km. leið í og um kringum Stirling.
Endaði hann í 59. sæti af 78 keppendum í hans flokki.
Sjá úrslitin hér.

Á morgun 10. ágúst er komið að tímatökukeppninni í kvennaflokki Elite. Þar eigum við tvo þátttakendur. Munu þær Kristín Edda og Hafdís hjóla 36 km. hring um Stirling. 
Kristín Edda fer af stað klukkan 13:05 en Hafdís klukkan 13:49. Á sama tíma tekur Tómas Kári Björgvinsson Rist þátt í Ólympískum fjallahjólreiðum (XCO) í Junior flokki í Glentress skógi rétt utan Peebles.