Okkur þykir leitt að tilkynna að í gær, þann 12. ágúst, barst tilkynning frá forseta UCI að ákveðið hefur verið að aflýsa HM í götuhjólreiðum sem fara átti fram í Aigle-Martigny í Sviss 20.-27. september næstkomandi.

Þetta er gert vegna reglna heilbrigðisyfirvalda í Sviss í baráttunni við Covid-19. Hins vegar er verið að skoða þann möguleika að færa keppnina til innan Evrópu þannig að hægt verði að halda hana á sömu dagsetningum en á öðrum stað þar sem brautaraðstæður væru þá svipaðar og í Sviss.

Einnig hefur verið ákveðið að fresta árlegri ráðstefnu UCI sem átti að fara fram á sama tíma. Ráðstefnan verður haldin í myndsamtali þann 5. nóvember í staðinn.