Arna Sigríður Albertsdóttir keppir á Paracycling Road World Cup.

Um helgina keppir Arna Sigríður Albertsdóttir á UCI Paracycling Road World Cup í Emmen í Hollandi. Föstudaginn 6. júlí keppir hún í 16 km tímatöku (time trial) og laugardaginn 7. júlí í 50 km götuhjólakeppni (road race). Arna keppir í flokki H3, en H er flokkur handahjólara. Arna er búin að vera að æfa sig í brautinni síðustu daga en brautin á morgun verður 2x8 km og Arna segir brautina vera nokkuð flata en þó séu nokkrar erfiðar beygjur í henni. Tæplega 300 keppendur eru skráðir á mótið og eru þar flestir af þeim bestu í heiminum. HRÍ óskar Örnu góðs gengis á mótinu!